Tips ed Pan-research

Saray Activity Parad Ugugaw

Saray atateng so akanresponsabilidad ya bangatan iray ananak da tungkol ed si Jehova. (Efe. 6:4) Ambelat itan ya responsabilidad. Pian natulongan iray atateng, nam-publish so organisasyon nen Jehova na dakdakel ya artikulo, video, tan kansion. Panon mon nausar iratan pian naibangat mo ray ananak mo?

• Onla ed jw.org. Nanengneng mo ditan so amin ya im-publish parad saray ugugaw tan kabataan, kaiba la ray video tan worksheet ya sarag dan sulatan o drowingan.a Pian nanengneng mo iratan, i-type so “Ugugaw” o “Tinedyer” diad search bar.

• Manpili ka no antoy dugaruga parad anak mo. Diad seksion ya “Ugugaw,” makapanpili ka ditan na saray video, kansion, tan worksheet. Pian maples mon naromog iratan, sarag mon i-type so “Proyekto Parad Panagdayew na Pamilya” diad search bar.

• Ibaan moy anak mo. Agmo papaulyanan ya bantayan ton bukor iray video tan gawaen ton bukor iray worksheet pian labat walay panabalaan to. Agmo uusaren ya pankomis iray video tan worksheet tayo. Mas marakep no ipaliwawam iratan ed anak mo diad paraan ya magmaliw ya mas tudtua ed sikato si Jehova tan ituring ton kaaro.