Ekalen nen Jesus so Irap na Bilay

Nen wadiad dalin si Jesus, impanengneng ton inar-aro to ray totoo, lalo la ray mairap-bilay tan naeermenan. (Mateo 9:36) Inter to ingen so bilay to parad sikara. (Mateo 20:28; Juan 15:13) Asingger la ya ipanengneng to lamet so panangaro to ed saray totoo no usaren to lay autoridad to bilang Ari na Panarian na Dios pian ekalen so irap na bilay diad interon dalin.

Angusar so Biblia na balibali iran salita pian ideskribe no antoy gawaen nen Jesus:

• “Iyagel to komon iray pakaskasi ed limog na totoo, iliktar to komon iray ananak na mairap-bilay.”—Salmo 72:4.

Panon tayon nipanengneng ya talagan misalsalamat tayo ed amin ya ginawa nen Jesus parad sikatayo tan saray gawaen to ni labat? Say sakey ya paraan et no aralen tayoy nipaakar ed “maong a balita na Panarian na Dios” ta atan may mensahe ya impulong to. (Lucas 4:43) Basaen so artikulon “Anto so Panarian na Dios?”