• Eskedyul ed Simba na Enero 19
    Ministeryo ed Panarian—2015 | Enero

    • Eskedyul ed Simba na Enero 19

      SIMBA NA ENERO 19

      Kanta 113 tan Pikakasi

      Panagaral na Kongregasyon ed Biblia:

      re kap. 21 ¶28-35 (30 min.)

      Teokratikon Eskuelaan Parad Ministeryo:

      Babasaen ed Biblia: Uko-ukom 1-4 (8 min.)

      No. 1: Uko-ukom 3:1-11 (3 min. o mas antikey)

      No. 2: Panon Mon Naaralan so Nipaakar ed Dios?​—nwt-E p. 8 ¶1-4 (5 min.)

      No. 3: Ahitopel​—Tema: Deralen nen Jehova so Plano na Saray Traidor—​it-1-E p. 65-66 (5 min.)

      Pantitipon Parad Panagserbi:

      Tema ed Sayan Bulan: ‘Manpaaripen ed Katawan tekep na sigpot a kapaabebaan.’​—Gawa 20:19.

      Kanta 77

      10 min: Kasin Uusaren Moy Glosaryo? Paliwawa a mankomentoy dumerengel base ed sarayan tepet: (1) Panon ya makatulong so glosaryo ed revised ya New World Translation no babasaen tayoy (a) Exodo 28:30, (b) Mateo 16:6, tan (c) 2 Pedro 2:4? (2) Panon tayon usaren so glosaryo pian natulongan so iyaaralan tayon natalosan a maong iray termino a singa say (a) “sipanan” (covenant), (b) “dondon” (ransom), tan (c) “kamarerwa” (soul)? Sampotan diad pamaseseg ed amin ya usaren iyan nitaryan tulong.

      10 min: Kaukolan a Maseet tan Maong a Manggaway Paraan Diad Pampaaripen ed Katawan. Paliwawa a mankomentoy dumerengel base ed 2014 Yearbook, pahina 59, parapo 1, anggad pahina 62, parapo 1; tan pahina 67, parapo 2. Pankomentoen iray dumerengel no antoy naaralan da.

      10 min: “Mantultuloy ya Onaligwas Bilang Ministro.” Tepet tan ebat.

      Kanta 20 tan Pikakasi

  • Mantultuloy ya Onaligwas Bilang Ministro
    Ministeryo ed Panarian—2015 | Enero

    • 1. Anto ray alimbawa nensaman ya mangipapanengneng a kaukolan tayoy onaligwas bilang ministro?

      1 Saray Kristiano et nepeg ya onaligwas bilang ministro. Kanian impasal nen Jesus iray papatumbok to pian napaaligwas iray abilidad da. (Luc. 9:1-5; 10:1-11) Satan met so rason no akin ya impila nen Aquila tan Priscila si Apolos tan “impaliwawa ra ed sikato so dalan na Dios ed mas suston paraan.” (Gawa 18:24-26) Ontan met, pinaseseg nen Pablo so eksperiensyadon ebanghelisador ya si Timoteo ya itultuloy toy manseet ed panagbangat to, pian say iyaaligwas to et “nanengneng na amin a totoo.” (1 Tim. 4:13-15) Anggan panon kabayag ti lan manlilingkor ed Katawan bilang manangipalapag na maong a balita, kaukolan tayon tuloytuloy ya paaligwasen so abilidad tayod panagpulong.

      2. Panon tayon makaaral ed arum?

      2 Makaaral ed Arum: Pian onaligwas so abilidad tayo, makatulong no makaaral tayod arum. (Uli. 27:17) Kanian ondengel tayo no mitotongtong ed unabung so kaulop tayo. Onkerew tayo na espisipiko iran suhestion ed saray manangipalapag ya epektibod panagpulong, tan dengelen ya maong so ibaga ra. (Uli. 1:5) Kasin agmo kabisadoy man-RV, mangigapoy panangiyaral na Biblia, odino mibiang ed arum nin paraan na panagpulong? Maabig no sika lay onasingger ed manangasikaso na grupo yo odino ed sakey ya eksperiensyadon manangipalapag pian paipasal. Tandaan met ya sarag na masanton espiritu nen Jehova ya paaligwasen iray abilidad mo, kanian kerew mon naynay itan ed pikakasi.​—Luc. 11:13.

      3. Antoy nepeg ya reaksion tayo no walay mangiter ed sikatayo na suhestion anggan agti met kekerewen?

      3 Agka nasasakitan no walay mangiter ed sika na suhestion anggan agmo met kekerewen. (Ecl. 7:9) Singa si Apolos, mapaabeban awaten tan pisalamatan itan. Say panggawad satan et pangipanengneng na karunongan.​—Uli. 12:15.