Pangaligan Iran Presentasyon

Parad Kampanya na Pangimbitad Memoryal

“Labay min imbitaan so pamilya yo ed importantin tinaon a selebrasyon ya nagawad interon mundo no Marso 26. Anibersaryo iya na impatey nen Jesus. Walay paliwawan nibase ed Biblia nipaakar ed no panon itayon natulongan na impatey to. Akasulat dia no iner tan no anton oras iya nagawa.”

Say Panag-Bantayan Marso-Abril

“Alaen mi pay opinyon mo nipaakar ed sakey a toon rerespetoen na saray Kristiano, Judio, tan Muslim. Antoy nanonotan mo no narengel moy ngaran ya Moises? [Abuloyan ya onebat.] Anggano wala ray lingo to, marakep so ibabaga na Biblia nipaakar ed sikato. [Basaen so Deuteronomio 34:10-12.] Nabasad sayan magasin so talorad saray maong a kualidad to tan no panon tayon naalig.”

Onliing! Marso

“Seguro miabobon kayon mairap natan so manpamilya. [Abuloyan ya onebat.] Dakel ya ateng so akalmoy maong ya simbawa ed Biblia. Singa bilang, akatulong iyan bersikulo ed saray ama pian nodnonoten no panon dan nirayew iray anak da diad ontan et ag-ira naekalay talek ed sarili. [Basaen so Colosas 3:21.] Diad sayan magasin et walay limaran prinsipyo ya makatulong ed saray ama.”