Pangaligan Iran Presentasyon

Parad Kampanya na Pangimbitad Memoryal

“Mangiiter kami imbitasyon ta walay importantin nagawa. No Abril 14, minilyon ed interon mundo so mantitipon pian nodnonoten so impatey nen Jesu-Kristo tan ondengel ed libren paliwawa a base ed Biblia nipaakar ed no panon itayon minabang ed impatey to. Nabasad sayan imbitasyon no iner tan no anton oras iya nagawa.”

The Watchtower Abril 1

“Ombibisita kamin magano pian itongtong so nipaakar ed gagawaen na maslak a totoo. Amin lawari, antokaman so relihyon to et manpipikasi. Parad sika, kasin eebatan na Dios iray pikakasi, odino paraan labat iya pian nalemeway liknaan tayod saray problema? [Abuloyan ya onebat.] Imanoen tayo pay ibabaga na Biblia nipaakar ed pikakasi. [Basaen so 1 Juan 5:14.] Ipaliwawa na sayan magasin no panon itayon natulongan na pikakasi.”

Onliing! Abril-Hunyo

“Ombibisita kamin magano pian linewen so lingon pakatalos na dakel a totoo nipaakar ed sayan bersikulod Biblia. [Basaen so Genesis 1:1] Wala ray manisia ya pinalsa so uniberso, wala ra met so andi. Sikayo balet ey? [Abuloyan ya onebat.] Dakel so agmanisiad impamalsa lapud walay ibabangat na saray lider na relihyon ya agmet nabasad Biblia. Ipresenta na sayan magasin so duga tan malinew ya eksplinasyon na Biblia ed no panon ya ginmapo so uniberso.”