Tulongan Iray Iyaaralan Mo na Biblia ya Onatendi ed Aral

Saray aral et importantin kabiangan na dugan panagdayew. (Sal 22:22) Amin ya mitipon pian mandayew ed si Jehova et naliketan tan nabendisyonan. (Sal 65:4) Kaslakan et mas maples ya onaligwas iray iyaaralan na Biblia no regular iran mimiaral.

Panon mon natulongan iray iyaaralan mo na Biblia ya onatendi ed aral? Itultuloy mo labat iran imbitaan. Ipabantay mod sikara so video ya Antoy Gagawaen Diad Kingdom Hall? Ipaliwawa no anto ray nagunggona ra ed saray aral. (lff leksion 10) Sarag mon istoryaen so sakey ya espisipikon punto ya naaralan mo ed imbeneg ya aral odino ibagam no antoy topic diad onsublay ya aral. Ikdan mo ra na publikasyon ya usaren. Sarag mo met so mangiyopresi na praktikal ya tulong. Ompan kaukolan day naluganan pian makapiaral ira. Nasulit so antokaman ya sagpot mo no nasali da lay makapiaral.—1Co 14:24, 25.

BANTAYAN SO VIDEO NA DRAMATIZATION YA TULONGAN IRAY IYAARALAN MO NA BIBLIA YA ONATENDI ED ARAL, INSAN EBATAN IRAYAN TEPET:

• 

  Anton pankanawnawa so inusar nen Neeta pian naimbitaan toy Jade ed aral?

• 

  Akin et maliket tayo no onaatendi ed aral so iyaaralan tayoy Biblia?

• 

  Antoy naeksperiensya nen Jade nen first time toy akiaral?