Bo Sa e Contesta?
(Por haya e contestanan di e quiz aki den e textonan di Bijbel menciona y e lista completo di contesta ta na pagina 30. Pa mas informacion, consulta e publicacion na Spaño “Perspicasia pa Compronde e Scritura”, publica door di Testigonan di Yehova.)
1. Segun Pedro, pa ki motibo Dios a haci Israel spiritual su “rasa scohi”? (1 Pedro 2:9, NW)
2. Kico tawata e prome milager cu Hesus a haci, y unda el a hacie? (Huan 2:1-11)
3. Di kico Dios a traha Eva, e complemento di Adam? (Genesis 2:22)
4. Yiu hombernan di cua homber prominente di Israel tawata conoci como “hombernan perverso”? (1 Samuel 2:12)
5. Cua midi den tempo di antiguedad tawata igual cu e homer y ekivalente na dies bato? (Lucas 16:7, NW)
6. Aunke e Farizeonan tawata sa con pa distingui e aspecto di shelo, kico si Hesus a bisa cu nan no por a distingui? (Mateo 16:3)
7. Den e profecia di Ezekiel, ken ta ataca e pueblo di Dios cu ta bibando trankil y den prosperidad? (Ezekiel 38:14-16; 39:11)
8. Dicon Hesus a bisa cu e adoracion cu e lidernan religioso tawata rindi “cu nan lipnan” tawata en vano? (Marco 7:6, 7)
9. Cua yiu di Noe tawata envolvi den un incidente cu a trece maldicion riba su yiu homber Canan? (Genesis 9:22-25)
10. Tera di cua tribu a bira sinonimo di e parti mas nort di e tera di Israel? (Huesnan 20:1)
11. Cu kico Ezekias a compara e perspectiva di un morto prematuro? (Isaias 38:12)
12. Ora Gad a duna David oportunidad pa scohe entre tres tipo di castigo despues cu el a desobedece Dios y a laga conta e pueblo di Israel, cua di nan David a scohe? (2 Samuel 24:12-15)
13. Cua tres buki di Bijbel e sacerdote Hudiu Esdras a skirbi?
14. Di cua provincia Gobernado Felix a saca afo cu Pablo tawata? (Echonan 23:34)
15. Ken a sirbi como hefe di ehersito pa Absalon durante su rebelion contra David, y tambe pa David despues cu nan a mata Absalon? (2 Samuel 17:25; 19:13)
16. Ken General Joab a scohe pa bai hiba e noticia pa Rei David cu su yiu Absalon a muri? (2 Samuel 18:21, 32)
17. Kico a pone Yacob yega na e conclusion cu bestia salbahe a devora su yiu homber Yosef [Hose]? (Genesis 37:31-33)
18. Con yama e angel cu a bisa Maria cu el a ser scohi pa duna lus na Hesus? (Lucas 1:26-31)
Contestanan di e Quiz
1. Pa nan por “declara na tur parti e excelencianan” di Dios
2. El a laga awa bira biña; Cana
3. Di un repchi cu el a tuma for di Adam
4. Eli
5. Coro
6. “E señalnan di e temponan”
7. Gog y su “multitud”
8. Pasobra ‘nan curason tawata leu’ for di dje
9. Cam
10. Dan
11. Cu cortamento di hilo for di e aparato-pa-weef-tela
12. Pestilencia
13. Prome Cronicanan, Segundo Cronicanan y Esdras
14. Cilicia
15. Amasa
16. Un Cusita kende su nomber no ta conoci
17. Nan a mustr’e Yosef su tunica di hopi color cu nan a dop den sanger di un cabrito
18. Gabriel