Con Prehuicio Por Ser Kita?

Miyones di hende a haci esfuerso pa aplica e consehonan cu nos a haya den e articulonan anterior y a logra vence prehuicio. Pero ta claro cu nos mes no por kita tur prehuicio cu tin na mundo. Acaso esey kiermen cu no tin un solucion?

Un Gobierno Perfecto

Gobierno di hende no a logra kita prehuicio. Pero esey kiermen cu ningun gobierno lo no por elimina prehuicio?

Pa un gobierno logra elimina prehuicio lo e mester haci lo siguiente:

1. 1. Motiva hende pa haya e deseo di cambia loke nan ta pensa di otro hende y loke nan ta sinti pa nan.

2. 2. Cura e heridanan cu ta pone nos trata hende malo.

3. 3. Tin un bon lider cu no tin prehuicio.

4. 4. Uni hende di tur nacion.

Bijbel ta sigura nos cu Dios a forma e gobierno perfecto ey. Bijbel ta yam’e “e Reino di Dios.”—Lucas 4:43.

Wak kico e Reino di Dios lo zorg p’e.

1. Excelente Educacion

“E habitantenan di mundo [lo] siña husticia.”—ISAIAS 26:9.

“Kaminda hustisia ta reina, ei pas, trankilidat i seguridat lo floresé pa semper.”—ISAIAS 32:17, BPK.

Kico esey ta nifica? Cu e Reino di Dios lo siña hende kico ta corecto. Ora hende por distingui kico ta bon y kico ta malo, esta kico ta husto y kico ta inhusto, nan manera di wak hende ta cambia. Tur hende lo sa e ora ey cu ta corecto pa stima tur hende, sin importa nan rasa of cultura.

2. Lo No Tin Inhusticia

Dios lo “seca tur lagrima for di nan wowo, y lo no tin morto mas; ni tristeza ni sclamacion ni dolor lo no tin mas. E cosnan cu tabata pasa antes no t’ey mas.”—REVELACION 21:4.

Kico esey ta nifica? Cu e Reino di Dios lo kita tur dolor causa pa inhusticia. Ningun hende cu tabata victima di inhusticia lo no tin motibo mas pa sinti odio.

3. Un Bon Lider

“E lo no husga segun loke su wowo ta mira, ni haci decision segun loke su horea ta tende; ma cu husticia e lo husga e pobernan, y dicidi cu honestidad pa e afliginan di e Tera.”—ISAIAS 11:3, 4.

Kico esey ta nifica? Hesucristo, e Rey di e Reino celestial di Dios, lo goberna Tera na un manera husto sin discrimina. Hesus lo no faborece un nacion riba un otro, y hende rond mundo lo obedece su leynan.

4. Union

E Reino di Dios ta siña hende pa tin “e mesun mentalidad y e mesun amor, siendo completamente uni, cu e mesun pensamento.”—FILIPENSENAN 2:2.

Kico esey ta nifica? E ciudadanonan di e Reino di Dios lo no djis parce di ta uni, nan lo ta “completamente uni” pasobra nan lo stima otro di berdad.