Mustra Amor

Kico Ta e Problema?

Sintimentonan di prehuicio no ta kita di un dia pa otro. Mescos cu ta tuma tempo pa combati un virus, asina tambe ta tuma tempo pa combati prehuicio. Kico bo por haci pa elimina prehuicio?

Principio di Bijbel

Collage: 1. Un meneer di Asia ta tene e porta habri pa un meneer color scur cu tin koffie den su man por pasa 2. E mesun meneer color scur ta duna su coleganan koffie, incluso e señora Hindu cu ta riba un potret cu nos a wak caba.

“Bisti amor, pasobra e ta e laso perfecto di union.”—COLOSENSENAN 3:14.

Kico e versiculo aki ta siña nos? Si bo haci cos bon pa otro hende, esey lo uni boso. Mas amor bo mustra pa otro hende, menos prehuicio lo bo tin, y menos luga lo tin den bo curason pa odio.

Kico Abo Por Haci?

Collage: 1. Un hende muher grandi color cla ta haya yudansa for di un señora Hindu cu ta carga un saco di compras p’e y ta yud’e subi trapi. 2. E señora color cla ta hiba buscuchi pa su bisiña, e meneer di Asia cu nos a mira caba riba un potret.

Pensa riba algun cos specifico cu bo por haci pa mustra amor pa hende di un grupo cu kisas bo no ta gusta dje hopi ey; no mester ta algo grandi. Kisas bo por haci un of mas cos menciona den e lista akibou:

Cada cos chikito cu bo haci pa mustra amor lo yuda bo vence prehuicio

Mustra bon manera na miembronan di e grupo ey. Kisas bo por habri porta pa un di nan of bo por lanta pa nan sinta na bo luga den bus.
Purba di tene un combersacion facil cu nan, aunke nan no por papia bo idioma bon ainda.
Si acaso nan haci algo cu bo no ta compronde, tene pasenshi cu nan.
Ora nan papia tocante nan problemanan, scucha nan bon y purba compronde nan problemanan.