Nos ta bibando den un tempo masha dificil. E articulo aki ta yuda nos mira kico nos por siña for di algun sirbidor di Dios di pasado y di nos tempo cu a enfrenta situacionnan dificil cu exito. Ademas, e ta mustra nos con nos por desplega curashi y keda positivo a pesar di cualkier situacion dificil.

ARTICULO DI ESTUDIO 2

E spirito di mundo ta hopi destructivo; e no ta edifica. E articulo aki ta mustra nos ki clase di actitud y conducta nos mester evita ya cu esakinan ta haci daño na e congregacion. Ademas, e ta mustra nos kico nos tin cu haci pa nos por tin un bon relacion cu nos rumannan den fe.

ARTICULO DI ESTUDIO 3, 4

E di tres articulo ta trata varios promesa di Jehova cu el a hura cu e lo cumpli cu ne. Si nos kier beneficia di Dios su promesanan, nos mester obedec’e y cumpli cu loke nos ta priminti. E di cuater articulo ta papia di algun sirbidor di Dios cu a laga nan si ta si y ta anima cristiannan pa laga nan si di mas importante ta si.—Mat. 5:37.