Algun Sugerencia

Pa Cuminsa Estudio di Bijbel Riba e Prome Diasabra di September

“Bon dia. Nos bishita awe lo ta cortico. Nos kier djis mustra bo un fuente di guia confiabel pa yuda parehanan casa haya exito den nan matrimonio. Segun abo, kico ta e cos di mas grandi cu por stroba felicidad den matrimonio?” [Permiti e persona contesta.] Mustr’e e parti patras di E Toren di Vigilancia di 1 di september, y trata e informacion bou di e prome pregunta y lesa maske ta un di e textonan cu ne. Ofrece e revista, y traha un afspraak pa trata e siguiente pregunta.

E Toren di Vigilancia 1 di September

“Nos ta bishitando bo pasobra hopi hende den nos comunidad ta puntra nan mes dicon Dios ta permiti tanto sufrimento. Abo a yega di puntra bo mes esey? [Permiti e persona contesta.] Ta interesante pa sa cu Bijbel ta priminti cu lo tin un tempo ora cu lo no tin tristeza ni dolor mas. [Lesa Revelacion 21:4.] E revista aki ta trata cinco motibo pakico tin asina tanto sufrimento. E ta mustra tambe loke Bijbel ta bisa tocante con Dios lo caba cu sufrimento.”

¡Despertad! September

“Nos a bin pa comparti informacion tocante un celebracion popular cu ta acercando—Halloween. Algun hende a dicidi pa no celebr’e, pasobra nan ta tene cuenta cu e siguiente spiertamento cu Bijbel ta duna. [Lesa Levitico 19:31.] Otronan no ta kere den spiritonan sobrenatural y ta haya cu Halloween ta gewoon un diberticion inofensivo. Kico abo mes ta pensa di Halloween? [Permiti e persona contesta.] E revista aki ta revela e origen pagano di Halloween.”