Laga Nos Atende Nan Mesora

Desde cu nos website a haya un bachi nobo, e cantidad di peticion online pa estudio di Bijbel a aumenta drasticamente. E dos maneranan nobo pa predica den area publico tambe a genera hopi peticion. Sucursal ta atende e peticionnan aki mas lihe posibel. Si por ehempel un peticion drenta via jw.org, e ancianonan di e area di e persona interesa mayoria di biaha ta haya notificacion di sucursal denter di dos dia. Sinembargo, ta parce cu algun persona cu a pidi un estudio di Bijbel tin biaha tin cu warda simannan largo pa un ruman tuma contacto cu nan. Con nos por haci sigur cu nos ta bishita nan prome cu nan interes fria?—Mar. 4:14, 15.

Si un persona mustra interes pero e no ta biba den bo teritorio, yena e formulario Por Fabor Atendé (S-43) mesora y duna e secretario no mas tarda na e siguiente reunion. E secretario tin cu manda e informacion den menos cu dos dia na e congregacion corespondiente of na sucursal (via e tab Congregacion riba jw.org). Ancianonan mester bay na e website aki regularmente pa check si tin algo pa nan. Ora nan haya un peticion pa bishita un persona, nan mester atende esaki mesora. Si nan pidi abo pa bishita e persona, bo mester duna esaki prioridad. Si e persona no ta na cas, kisas bo por laga un nota atras cu bo informacion di contacto.