Pa Nos Bira Bon Maestro, Nos Mester Prepara

Na por lo menos dos ocasion hende a haci Hesus e mesun pregunta tocante bida eterno. Pero na tur dos ocasion el a adapta su contesta na necesidad di e persona cu a hacie e pregunta. (Luc. 10:25-28; 18:18-20) Pesey, aunke kisas nos conoce e informacion den e publicacion di estudio bon, toch ta importante pa nos prepar’e di antemano cu e studiante na mente. Nos por puntra nos mes: Ki puntonan lo ta dificil pa e compronde of acepta? Cua di e textonan menciona lo mi por lesa cu ne? Cuanto paragraf nos lo trata? Ademas, bo por prepara un ilustracion, splicacion of un par di pregunta cu lo por yud’e compronde e informacion. No lubida cu ta Jehova ta esun cu ta laga e simia di e berdad crece den su curason. P’e motibo ey, nos tin cu pidi Jehova pa bendiciona tanto e studiante como nos preparacion pa e estudio y e esfuerso cu nos ta haci pa yuda e studiante den sentido spiritual.—1 Cor. 3:6; Sant. 1:5.