Haci Bon Uzo di e Buki Bijbel Ta Siña

Ora un studiante di Bijbel compronde loke Bijbel ta siña realmente y ta aplica esaki den su bida, lo e progresa den sentido spiritual. (Sal. 1:1-3) Si nos sa bon con pa uza e buki Bijbel Ta Siña, nos por yuda nos studiante progresa.

Preguntanan di Introduccion: Cada capitulo ta cuminsa cu preguntanan cu lo ser contesta den e les. Bo por haci e preguntanan aki den un forma retorico pa habri bo studiante su apetit pa e informacion cu boso ta bay trata. Of bo por haci e preguntanan y lag’e duna un contesta breve. Si e duna un contesta robes, bo no tin nodi corigie na e momento ey. Su contesta lo yuda bo haya sa kico ta e puntonan cu despues lo bo tin cu splica mihor.—Prov. 16:23; 18:13.

Appendix: Si e studiante ta compronde y acepta e informacion den e seccion principal di e capitulo, bo por anim’e pa repasa e appendix cu ta coresponde cu e capitulo ey riba su mes. Anto na e siguiente estudio, bo por hacie algun pregunta pa bo wak si el a compronde loke el a lesa. Sinembargo, si bo ta haya ta necesario, bo por saca tempo durante e estudio pa lesa e appendix of un parti di dje y haci pregunta cu bo a prepara di antemano pa yuda bo studiante compronde.

Cuadro di Repaso: E cuadro di repaso cu tin na final di cada capitulo ta contesta e preguntanan di introduccion di e capitulo. Bo por repasa esaki cu bo studiante pa haci sigur cu el a compronde e puntonan principal y por splica nan. Boso por lesa e contestanan hunto cu e textonan cu ta compaña nan. Anto, pidi bo studiante pa uza e textonan pa splica dicon e contesta ta corecto.—Echo. 17:2, 3.