Dicon te Ainda Tin Guera y Conflicto Arma?

PICA

Dios a crea nos prome mayornan, Adam cu Eva, den su imagen. (Genesis 1:27) Esey ta nifica cu Dios a crea nan cu e capacidad pa imita su cualidadnan, manera paz y amor. (1 Corintionan 14:33; 1 Juan 4:8) Sinembargo, Adam cu Eva a desobedece Dios, y nan a peca. Como resultado, nos tur a hereda pica, y nos tur ta muri. (Romanonan 5:12) Debi na e pica cu nos a hereda, hopi biaha nos por haya pensamento robes. Y esey na su turno, ta pone cu hopi hende ta haci cos malo.—Genesis 6:5; Marco 7:​21, 22.

GOBIERNO HUMANO

Dios no a crea nos cu e capacidad di goberna nos mes. Bijbel ta bisa: “No ta keda na un persona pa e mes dirigi su pasonan.” (Jeremias 10:23) Pa e motibo ey, gobierno humano no por caba cu guera y violencia completamente.

SATANAS Y SU DEMOÑONAN

Bijbel ta bisa cu “henter mundo ta den poder di e Malbado.” (1 Juan 5:19) E “Malbado” ey ta Satanas e Diabel, y e ta un asesino cruel. (Juan 8:44) Ta Satanas y su demoñonan ta esnan cu ta influencia hende pa cuminsa guera y comete acto violento.—Revelacion 12:​9, 12.