Violencia Politico—⁠Kico Bijbel Ta Bisa?

Rond mundo, tin masha hopi caso di violencia politico ta tumando luga.

Dicon tin asina tanto violencia politico? E violencia ey lo caba algun dia? Kico Bijbel ta bisa?

Bijbel a bisa di antemano cu hende lo ta dividi pa motibo di politica

Bijbel ta yama nos tempo “e ultimo dianan.” Y Bijbel a bisa di antemano cu den e tempo ey hopi hende lo tin cierto actitud cu ta fomenta violencia y desacuerdo.

• Bijbel ta bisa cu “den e ultimo dianan lo bin temponan critico, dificil pa trata cu ne.” Pasobra hende lo ta malagradecido, desleal; nan lo no ta dispuesto pa cera ningun acuerdo; nan lo ta feroz, traidor, cabesura, hincha di orguyo.—2 Timoteo 3:1-4.

Bijbel a bisa tambe di antemano cu disturbio manera “rebelion” contra gobierno y intrankilidad politico lo ta algo tipico pa e periodo aki cu nos ta biba aden. (Lucas 21:9, Beibel na papiamentu koriente) Sinembargo, violencia y division pa motibo di politica lo no dura pa semper.

Fin di violencia politico

Bijbel ta bisa cu Dios lo trece su propio gobierno cu el a establece den cielo. E gobierno ey lo reemplasa tur gobierno humano.

• “Dios di cielo lo lanta un reino cu ... lo destrui y pone un fin na tur [otro reino], y e reino aki so lo keda pa semper.”—Daniel 2:44.

E Reino di Dios lo percura pa hende ta uni di berdad, y e Reino lo percura pa rond mundo tin paz.

• Hesucristo ta e gobernante di e Reino ey, y e ta ser yama “Prins di Paz.” Hesucristo lo percura pa “no tin fin na paz.”—Isaias 9:6, 7.

• For di awor, e hendenan cu ta bou di gobernacion di e Reino ey ta siña con pa biba na paz cu otro. Debi na esey, Bijbel ta bisa lo siguiente tocante e hendenan ey: “Nan lo bati nan spadanan y traha ploeg cu nan; cu nan speernan, nan lo traha cuchiu pa snoei mata. Nacion lo no hisa spada pa bringa contra otro nacion, ni nan lo no siña pa bringa den guera mas.”—Isaias 2:3, 4.

Si bo kier sa mas, lesa e articulo “Kico e Reino di Dios Lo Haci?” y wak e video Kiko e Reino di Dios Ta?