Testigu di Yehova Ta Evita Tur Trato cu Esnan Cu No Ta Testigo di Jehova Mas?

Nos no ta evita trato cu testigonan di Jehova batisa cu no ta predica mas of cu no ta bin reunion mas. Al contrario, nos ta haci esfuerso pa busca contacto cu nan pa purba di lanta nan interes den cosnan spiritual.

Si un Testigo batisa comete un pica grave, nos no ta expuls’e automaticamente for di congregacion. Pero, ora ta bira un custumber cu un Testigo ta viola principionan di Bijbel sin arepenti, lo expuls’e for di congregacion y evita tur trato cu ne. Bijbel ta bisa claramente: “Saca e malbado for di meymey di boso.”—1 Corintionan 5:13.

Kico ta pasa cu un homber expulsa kende su esposa y yiunan ta testigo di Jehova ainda? E lasonan religioso cu su famia a cambia, pero e lasonan familiar ta keda mescos. E relacion matrimonial y e trato cu su yiunan ta sigui normal, y nan ta sigui mustra amor na otro.

Personanan expulsa por asisti na nos reunionnan. Ademas, si nan ta desea nan por haya yudansa spiritual di anciano di congregacion. E meta ta pa yuda nan cumpli cu e rekisitonan pa asina nan por bira un testigo di Jehova atrobe. Esnan expulsa cu ta rechasa conducta inmoral y tin e deseo di biba conforme e principionan biblico por forma parti atrobe di e congregacion.