Ken Ta Fundador di Testigonan di Jehova?

E organisacion di testigonan di Jehova den tempo moderno a cuminsa na fin di siglo 19. E tempo ey un grupo chikito di studiante di Bijbel cu tabata biba den cerca di Pittsburgh (Pennsylvania, Merca) a cuminsa haci un estudio sistematico di Bijbel. Nan a compara doctrina di e iglesianan cu loke Bijbel ta siña realmente. Despues nan a cuminsa publica loke nan a siña den buki, corant y e revista cu awor ta conoci como E Toren di Vigilancia—Anunciando e Reino di Jehova Dios.

Den e grupo di studiantenan di Bijbel ey tabatin un homber cu yama Charles Taze Russell. Aunke Russell a dirigi e obra di predica y tabata e prome redactor di E Toren di Vigilancia, e no tabata fundador di un religion nobo. E meta di Russell y e otro Studiantenan di Bijbel, manera tabata yama nan e tempo ey, tabata pa yuda hende haya sa kico ta siñansanan di Hesucristo y sigui e ehempel cu e congregacion cristian di prome siglo a pone. Ya cu Hesus ta e Fundador di cristianismo, nos ta considera e como e fundador di nos organisacion.—Colosensenan 1:18-20.