Edificionan Halto Ta Sigui Bai Laira na Asia

“Actualmente nan tin plania pa traha seis edificio masha halto cu lo ta mas halto cu e anterior World Trade Center impresionante di 1.376 pia [419 meter]. Nan tur ta na Asia”, segun The Wall Street Journal. E corant ta agrega cu na Asia e entusiasmo cu hende a demostra durante e ultimo 20 añanan pa edificionan masha halto, ta sigui.

Edificionan halto lo dorna shelo di stadnan na China, Corea y Taiwan. “E deseo pa yega shelo ta profundamente hancra den hende su ser”, segun Cesar Pelli, arkitecto di e edificionan cu actualmente ta esnan mas halto na mundo, e dos Torennan di Petronas na Cuala Lumpur, Maleisië. “E deseo aki di hende pa pone un simbolo impresionante y distintivo den shelo a cuminsa desde e Toren di Babel.”

Ingenieronan ta agregando mayor medidanan di siguridad. Esakinan ta inclui ‘pisonan di refugio habri’ cada 10 pa 12 piso, un curason di edificio mas fuerte, un frame cu ta conecta e curason di e edificio cu e columnanan principal di pafo of cu ta lora rond di e edificio, y mas trapi pa sali ora di candela, e tiponan cu ta bira hancho na e parti mas abou dje edificio pa acomoda mas hende.

Actualmente na mundo tin mas o menos dos dozijn di edificio apto pa biba aden cu ta surpasa 300 meter, y mas cu mita di nan ta na Asia. “Sinembargo, expertonan ta di acuerdo cu casi no tin motibo practico pa traha edificio mas halto cu 60 piso”, segun Wall Street Journal.

[[Plachi na pagina 18]

Cu un haltura di 452 meter, e Torennan Petronas ta esnan mas halto na mundo

[Tabèl/Plachinan na página 18]

(Pa e teksto den su formato kompleto, wak e publikashon)

Haltura di edificio ta inclui e punta di toren decorativo pero antena no.

143 meter 2500 P.E.C. Piramida di Khafra, Giza, Egipto

300 meter 1889 Eiffeltoren, Paris, Francia

348 meter 1997 T & C Tower, Kaohsiung, Taiwan

369 meter 1989 Bank of China, Hong Kong, China

381 meter 1931 Empire State Building, New York, Merca

442 meter 1974 Sears Tower, Chicago, Merca

452 meter 1997 Petronas Towers, Kuala Lumpur, Maleisië

460 meter (Propone pa aña 2007) Shanghai World Financial Center, Shanghai, China

[Reconocemento]

Tur pintura: Cortesia di SkyscraperPage.com