For di Nos Lectornan

Yiunan Manera mi a haya e serie di articulo “Yiunan—Loke Nan Mester for di Nan Mayornan”, mi a les’e cu hopi smak. (8 di januari 2004) Siendo mama di cinco yiu, e articulonan ei a conmove mi profundamente. Mare tur mama na mundo por a lesa nan.

C. M., Francia

E articulonan cu boso ta publica ta parce di yega net na ora pa mi. Ora cu ami cu mi casa a haya sa cu mi ta na estado, boso a publica informacion pa mohenan na estado. (8 di januari 2003) Awor cu nos ta e felis mayornan di un yiu homber di tres luna, boso ta publica sugerencianan maraviyoso encuanto con pa cria baby. Pa un mama hoben, e articulonan aki ta masha util.

D. K., Polonia

E Nomber Dios E serie di articulo “Bo Conoce Dios pa Nomber?” (8 februari 2004) ta un di e consideracionnan mas bunita y profundo tocante e nomber di Dios cu mi a mira for di tempo cu mi a bira un cristian na aña 1973. E portada yamativo, e layout, e diseño y e presentacion sumamente logico, a haci e serie aki un obra maestra. Bon trabou!

D. L., Merca

Mi a haya cu e serie di articulonan aki tawata informativo, completo y bon investiga y a keda presenta den un manera masha interesante y atractivo. Ademas, mi a gusta masha hopi di mira Yehova su nomber skirbi na 39 idioma na cabes di e paginanan. E presentacion aki ta duna gloria y honor na Yehova su nomber y mester apela na hende di curason honrado.

G.D.M., Merca

Huiswerk Mi ta un alumno di prome aña di scol secundario, y semper mi tawatin problema pa maneha mi tempo. E articulo “Hobennan Sa Puntra . . . Con Mi Por Haya Tempo pa Haci Mi Huiswerk?” a yuda mi. (8 di februari 2004) Mi no tawata wak television dje hopi ei, pero ora mi sinta pa wak, mi ta keda wak un programa tras di otro. Awor mi no ta wak television mes.

R. O., Japon

Mi ta siguiendo un curso na cas, y bo mester tin hopi disiplina pa siña tur dia. Cu yudansa di e sugerencianan den e articulo, lo mi traha tempo pa haci mi huiswerk.

X. R., Merca

Mi ta completamente di acuerdo cu boso cu huiswerk ta hoga hende! Tin biaha mi mayornan ta pensa cu ta floho mi ta pasobra mi ta tuma hopi ora pa traha mi huiswerk. Pero tin biaha e huiswerk ta hopi dificil of simplemente mucho hopi. Danki pa mustra nos con pa haya tempo pa traha nos huiswerk y uza nos tempo na un manera eficiente.

J. S., Merca

Mi a haya e articulo hopi util. E sugerencianan bou di e subtema “Uza Bo Tempo na un Manera Mas Eficiente” a yuda mi drecha mi custumbernan di siña.

B. L., Italia