Profesianan di Bijbel Ta Cumpli

Bijbel no solamente ta duna nos relatonan exacto di loke a sosode den pasado, sino tambe e ta bisa nos kico lo sosode den futuro. Hende no por bisa nos nada di futuro. P’esei mes nos sa cu Bijbel ta e Palabra di Dios. Kico Bijbel ta bisa tocante futuro?

E ta conta nos tocante e gran guera di Dios. Den e guera ei Dios lo elimina tur maldad y mal hende for di Tera, pero lo e proteha hende cu ta sirbie. Hesucristo, cu Dios a haci rei, lo percura pa sirbidornan di Dios gosa di pas y felicidad, y pa nan no bira malo nunca mas ni muri.

Nos por ta contento cu Dios lo establece un paradijs nobo riba Tera, no ta berdad? Pero nos tin cu haci algo pa nos biba den e paradijs ei. Den e ultimo relato di e buki aki nos ta siña kico nos tin cu haci pa nos disfruta di e cosnan maraviyoso cu Dios tin prepara pa hende cu ta sirbie. P’esei, lesa PARTI 8 y haya sa loke Bijbel ta profetisa pa futuro.