PARTI 5

E Diluvio —Ken A Scucha Dios y Ken No?

Den tempo di Noe casi tur hende tabata haci malo. Genesis 6:5

Angelnan malbado cu a cambia nan curpa pa curpa di hende ta bay om cu hende muher

Adam cu Eva a haya yiu y asina tera a yena cu hende. Cu tempo, algun angel tambe a lanta contra Dios, mescos cu Satanas.

Nan a bini na tera y a cambia nan curpa pa curpa di hende. Asina nan por a casa cu hende muher. E muhernan a haya yiu cu a crece bira masha grandi. E yiunan tabata cruel y tabatin hopi forsa.

Un mucha homber ta dal un señora cu tin un baby teni; e Gigantenan, yiunan di e angelnan malbado, ta uza violencia

Asina mundo a yena cu hende cu tabata haci maldad. Bijbel ta bisa: ‘Maldad di hende tabata grandi riba tera, y tur intencion di e pensamentonan di su curason tabata continuamente maldad so.’

Noe a scucha Dios y a traha un arca. Genesis 6:13, 14, 18, 19 y 22

Noe tabata un bon hende. Jehova a bisa Noe cu lo E laga un diluvio bini pa caba cu mal hende.

Dios a bisa Noe pa traha un arca, un boto masha grandi mes. Noe y su famia y tambe tur sorto di bestia mester a bay den dje.

Noe ta spierta e hendenan cu Dios lo manda un Diluvio pero nan ta harie

Noe a spierta e hendenan cu lo a bini un diluvio, pero nan no a scucha. Algun di nan a harie y otronan a haya rabia riba dje.

Noe cu su famia ta hinca e bestianan den e arca

Ora e arca tabata cla, Noe a hinca e bestianan aden.