Algun Sugerencia

Pa Cuminsa Estudio di Bijbel Riba e Prome Diasabra di Februari

“Hopi hende ta kere cu ta Diabel ta tras di tur e maldad cu tin na mundo. Pero nan ta puntra nan mes: ‘Di unda Diabel a bin? Ta Dios a cre’e?’ Kico bo ta pensa? [Permiti e persona contesta.] Wak kico e revista aki ta bisa.” Mustra e persona e articulo parti patras di E Toren di Vigilancia di 1 di februari, trata e prome paragraf y lesa e texto cu ne. Ofrec’e e revista y traha un afspraak pa trata e siguiente pregunta.

E Toren di Vigilancia 1 di Februari

“Nos tin gana di sa kico bo ta pensa di lo siguiente: Tanto cristian, hudiu como moslim tin masha respet pa e homber cu Bijbel ta yama Moises. Pero kico ta e prome cos cu ta bin na bo mente ora bo tende su nomber? [Permiti e persona contesta.] Aunke Moises tabatin su fayonan, ta interesante pa wak kico Bijbel ta bisa di dje. [Lesa Deuteronomio 34:10-12.] E revista aki ta trata tres di su bon cualidadnan y ta mustra con nos por imit’e.”

¡Despertad! Februari

“Awendia ta masha normal cu hende ta emigra bay un otro pais en busca di un mihor bida. Pero bo ta kere cu semper nan ta haya loke nan a bay busca? [Permiti e persona contesta.] E echo cu hende ta muda bay un otro pais no ta nada nobo. Wak un caso aki den e prome buki di Bijbel. [Lesa Genesis 46:5, 6.] E revista aki ta analisa e preguntanan aki.” Mustra e doño di cas e preguntanan cu tin na final di pagina 6.