Algun Sugerencia

Pa Cuminsa Estudio di Bijbel Riba e Prome Diasabra di Februari

“Algun hende ta kere cu Bijbel ta un buki di profecia cu bo por confia. Otronan ta pensa cu su pronosticonan ta vago y cu por interpreta nan na hopi manera. Kico ta bo opinion?” [Permiti e persona contesta.] Despues, dun’e E Toren di Vigilancia di 1 di februari y trata e informacion bou di e prome pregunta na pagina 11 y lesa por lo menos un di e textonan. Ofrec’e e revista y traha afspraak pa trata e siguiente pregunta.

E Toren di Vigilancia 1 di Februari

“Bo ta di acuerdo cu nos por siña hopi for di homber- y muhernan importante di historia? [Permiti e persona contesta.] E versiculo aki ta papia di un di nan, kende ta e unico persona den Bijbel cu Dios a yama ‘su amigo.’ [Lesa Santiago 2:⁠23.] E revista aki ta splica dicon Dios a consider’e su amigo y ki les nos por siña for di e ehempel di Abraham.”

¡Despertad! Februari

“Awendia hopi hende ta gusta comunica online. Bo ta kere cu e forma di comunicacion aki tin peliger cu ne? [Permiti e persona contesta.] Bijbel tin principionan cu por yuda nos evita e peligernan ey. [Bay na pagina 6-9, lesa un di e preguntanan y e texto cita bou di dje.] E revista aki lo yuda bo identifica y tambe evita e peligernan cu tin ora bo comunica online.”