Con pa Predica cu Stand di Literatura

Predica cu garoshi of mesa portatil di literatura ta hala hopi persona cu bon curason na e berdad. (Juan 6:44) Pesey, a anima ancianonan pa organisa e trabou di predica na luganan publico den teritorio di nan congregacion caminda hopi hende ta cana pasa. Debi cu e standnan ta portatil generalmente no tin nodi pidi permiso di autoridadnan. Ken por participa? Publicadornan cu ta prudente, representabel y cu tin bon habilidad di combersa. Den e articulo aki, nos lo trata algun cos cu nos mester haci y loke nos no mester haci. Esaki sigur lo yuda publicadornan pa por tin mas exito den e rasgo aki di sirbishi.

Haci Esaki:

Sea atento, amabel y cla pa yuda e personanan cu pasa. Algun publicador ta smile y ta cuminda e personanan na un manera amigabel. Ora un hende keda para wak e stand, bo por bis’e: “Si bo kier bo por bay cu un di nan.”
Keda na un distancia for di e stand. Na algun luga, publicadornan ta haya cu ta mihor pa para un of dos stap for di e stand. Pero otro publicadornan ta haya cu esey no ta funciona pa nan. Pesey, nan ta prefera di para un tiki mas leu y warda te ora un hende yega cerca di e stand. Unabes un persona mustra interes, purba di cuminsa un combersacion cu ne. Kisas bo por puntr’e: “Bo a yega di haci bo mes e pregunta ey?”
Uza Bijbel mas tanto posibel.
Si un persona tuma un di e publicacionnan cu nos ta uza pa duna estudio manera e buki Bijbel Ta Siña, mustr’e con un curso di Bijbel ta bay. Anto si ta posibel, uza un tablet of smartphone pa mustr’e e video Dicon Analisa Loke Bijbel Ta Bisa?
Tuma dato di e personanan interesa si circunstancia permiti. Si e persona no ta biba den bo teritorio, yena e formulario Por Fabor Atendé (S-43) y entreg’e mas pronto posibel na e secretario.