Con pa Mehora Nos Sirbishi: Ofrece e Buki Bijbel Ta Siña

Dicon Esey Ta Importante: E buki Bijbel Ta Siña ta un di e hermentnan principal cu nos ta uza pa siña hende. Sinembargo, pa nos por uz’e pa studia cu un persona, nos tin cu ofrece e buki prome. Pesey, nos tur tin cu haci esfuerso pa bira habil den ofrece e buki Bijbel Ta Siña den sirbishi. (Prov. 22:29) Tin diferente manera pa haci esey y publicadornan tin cu scoge e metodo cu ta duna mihor resultado.

Con pa Haci Esaki:

Haci un pregunta cu ta lanta interes di e persona y cu bo por uza pa dirigi su atencion na un capitulo di e buki. Bo por hasta uza un di e preguntanan cu tin na cuminsamento di cada capitulo. Ora cu e persona contesta e pregunta, lesa un texto di Bijbel cu ta pas cu e tema cu boso ta papiando di dje. Despues, mustr’e un paragraf cu tin di haber cu e tema y kisas bo por analis’e brevemente cu ne.
Uza e preguntanan cu tin riba e paginanan di introduccion pa lanta interes di e persona y despues mustr’e den e buki unda e por haya e contesta cu Bijbel ta duna. Por ehempel, bo por menciona un tragedia cu recientemente tabata den noticia y splic’e cu hopi hende kier haya sa e contesta pa e preguntanan na pagina 3. Of bo por bisa cu bo ta bishitando bo bisiñanan pa comparti un punto di bista positivo tocante futuro cu nan. Anto, mustr’e e plachinan na pagina 4 y 5 y puntr’e: “Cua di e promesanan aki abo lo kier mira cumpli?” Un otro manera cu bo por logra haci esey ta door di bis’e cu bo ta bishitando hende brevemente pa yuda nan haya contesta pa e preguntanan di mas importante den bida. Despues, mustr’e e preguntanan cu tin na pagina 6 y puntr’e cua e ta haya mas interesante.
Uza e metodo directo pa cuminsa un estudio di Bijbel. Bo por bisa: “Nos ta ofrece nos bisiñanan e buki aki pa yuda nan studia Bijbel. Bo conoc’e? [Permiti e persona contesta.] Si bo tin un par di minuut, lo mi por mustra bo con bo por uz’e pa studia bo Bijbel.”

Purba di Haci Esaki Durante e Luna Aki:

Train un presentacion di e oferta di luna durante bo Adoracion Como Famia.
Ora bo ta den sirbishi cu otro publicador, papia cu ne tocante e presentacion cu bo ta bay uza. (Prov. 27:17) Si bo presentacion no ta duna bon resultado, cambi’e.