Con pa Mehora Nos Sirbishi: Demostra Con un Estudio di Bijbel Ta Bay cu e Buki Bijbel Ta Siña

Dicon Esey Ta Importante: Hopi hende kisas no ta compronde kico nos kiermen ora nos ofrece nan un curso di Bijbel gratis. Kisas nan ta pensa cu nan tin cu participa den un grupo di estudio. Of, esaki ta laga nan corda riba scol: lesa, siña for di cabes, traha huiswerk y proefwerk. Pesey en bes di djis ofrece nan un curso, dicon no demostra nan con e ta bay? Den un par di minuut nos por mustra e persona, hasta para na porta, con facil un estudio di Bijbel ta bay y con e por beneficia di esaki.

Con pa Haci Esaki:

Despues di introduci bo mes, puntra e persona si e ta preocupa tocante futuro.
Bis’e cu esey ta algo cu ta preocupa hopi hende. Despues, mustr’e e pagina di contenido den e buki Bijbel Ta Siña. Splic’e cu e buki ta facil pa compronde y ta mustra kico Bijbel ta bisa tocante futuro y otro topiconan. Puntr’e cua di e capitulonan e ta haya mas interesante.
Dun’e un ehemplar di e buki y bay na e capitulo cu el a scoge. Splic’e cu e preguntanan na comienso di e capitulo lo ser contesta den e paragrafnan cu ta sigui.
Puntr’e si e ta desea di lesa e prome paragraf. Lesa e pregunta di e paragraf y busca e contesta. Busca e textonan di Bijbel cu ta apoya e contesta y analisa nan. Mustr’e con abo a marca e contesta den bo buki.
Bay na e siguiente paragraf. Pero e biaha aki pidie pa purba di contesta cu su mes palabranan.
Elogi’e pa su contesta y traha un afspraak pa sigui analisa e siguiente paragrafnan.
Si ta apropia, mustr’e e video Con un Curso di Bijbel Ta Bay? riba e site jw.org.

Purba di Haci Esaki Durante e Luna Aki:

Pidi Jehova pa bendiciona bo esfuersonan pa cuminsa un estudio di Bijbel.—Flp. 2:13.
Den sirbishi, purba di demostra maske ta un biaha con nos ta dirigi un estudio di Bijbel for di e buki Bijbel Ta Siña of mustra e video Con un Curso di Bijbel Ta Bay?