6 Miyon Hende A Muri Debi na COVID—Kico Bijbel Ta Bisa?

Segun Organisacion Mundial di Salud (WHO), desde 18 di mei 2022, 6,27 miyon hende a muri debi na COVID-19. Sinembargo, segun un informe cu a ser publica 5 di mei 2022, Organisacion Mundial di Salud ta indica cu ta mucho mas cu 6,27 miyon hende a muri debi na COVID. Ta parce cu, durante 2020 y 2021, “mas o menos 14,9 miyon hende a muri debi na COVID-19 of debi na complicacion relaciona cu COVID-19.” Bijbel a profetisa tocante e sucesonan aki cu ta causa hopi dolor?

Bijbel a profetisa cu lo tin pandemia

•  Hesus a bisa cu lo tin “pestilencia” (epidemia) durante “e ultimo dianan.”—Lucas 21:11, Beibel Santu; 2 Timoteo 3:1.

E profecia ey di Hesus ta cumpliendo awe. Pa mas informacion, lesa e articulo “Kico Ta e Señal di ‘e Ultimo Dianan’, of di ‘e Tempo di e Fin’?”

Bijbel ta duna consuelo

•  E “Dios di tur consuelo ... ta consola nos den tur nos tribulacionnan.”—2 Corintionan 1:3, 4.

Bijbel a yuda hopi hende trata cu tristeza debi na morto di un ser keri. Pa mas informacion, bo por lesa e siguiente articulonan “Con pa Deal cu Tristeza—Loke Bo Por Haci” y “E Mihor Yudansa ora Bo Perde un Ser Keri.”

Bijbel ta duna e solucion permanente

•  “Laga bo Reino bini. Laga bo boluntad sosode, mescos cu den cielo, tambe riba Tera.”—Mateo 6:10.

Pronto, danki na “e Reino di Dios,” ningun habitante na mundo lo no bisa: “Mi ta malo.” (Marco 1:14, 15; Isaias 33:24) Pa haya sa mas tocante e gobierno celestial aki y loke e gobierno aki lo logra, wak e video Kiko e Reino di Dios Ta?

Nos ta anima bo pa haya sa mas tocante loke Bijbel ta siña. Si bo haci esey, abo y bo famia por beneficia di e bon consehonan di Bijbel y di su bunita promesanan pa futuro.