Salubridad—Kico e Reino di Dios Lo Haci pa Humanidad?

“E echo cu e situacion mundial relaciona cu COVID-19 no ta manera e tabata na comienso di e pandemia no ta nifica cu COVID-19 no ta sigui ta un menasa mundial ... Ora un otro pandemia bati na nos porta, nos mester ta prepara, pasobra ta bay tin otro pandemia.”—Dr. Tedros Adhanom Ghebreyesus, Director General di Organisacion Mundial di Salud, 22 di mei 2023.

Ainda hopi hende ta sufri fisicamente y mentalmente debi na e efectonan di COVID-19. E gobiernonan y e institutonan di salubridad ta prepara pa un proximo pandemia? Nan por trata cu e problemanan di salud cu hende tin actualmente?

Bijbel ta papia di un gobierno cu si por soluciona tur e problemanan di salud cu nos ta haya nos cu ne. Bijbel ta bisa cu “Dios di cielo lo lanta un reino [of gobierno].” (Daniel 2:44) Bou di e gobierno ey, “niun habitante ... lo no bisa: ‘Mi ta malo.’” (Isaias 33:24) Tur hende lo ta bon di salud, y nan lo tin hopi energia.—Job 33:25.