E Problemanan di Medio Ambiente—Loke e Reino di Dios Lo Haci

“E situacion alarmante di clima ta causando hopi daño. Hende, e stadnan y e ecosistemanan ta sufri. Debi na cambio di clima, e tormentanan ta bira mas y mas fuerte. E tormentanan ey ta destrui hopi cas y afecta bida di hopi hende rond mundo. E oceannan tambe ta birando mas cayente, loke por pone hopi especie di bestia stop di existi.”—Inger Andersen, secretario general adhunto di Nacionnan Uni y directora di Programa Ambiental di Nacionnan Uni, 25 di juli 2023.

E gobernantenan lo por soluciona e problemanan aki cu mundo ta enfrenta? Nan lo por soluciona e problemanan di medio ambiente?

Bijbel ta papia di un solo gobierno cu si lo por soluciona e problemanan di medio ambiente cu mundo ta enfrenta. Bijbel ta bisa cu “Dios di cielo lo lanta un reino”, un gobierno cu lo soluciona tur problema na mundo. (Daniel 2:44) Bou di e gobierno ey, hende “lo no causa daño” na otro hende ni na nos planeta Tera mas.—Isaias 11:9.