Soledad: Un Epidemia Nobo—Kico Por Yuda Bo?

• “Mas o menos mitar di e adultonan na Merca a bisa cu nan sa sinti soledad y gran parti di nan ta hende jong.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[Organisacion Mundial di Salud] a anuncia cu nan a forma un comision nobo, esta, ‘Commission on Social Connection.’ Meta di e comision ey ta pa trata soledad como un maleza serio, pa anima hende pa pasa mas tempo cu otro y pa yuda busca mihor solucion pa trata cu soledad na tur pais, sin importa con pober e pais ta.”​—Organisacion Mundial di Salud, 15 di november 2023.

Bijbel ta duna nos conseho practico cu ta yuda nos cera bon amistad.

Principio di Bijbel cu por yuda bo

Baha man cu actividad cu ta isola bo for di otro hende. E actividadnan aki por encera demasiado uzo di red social. Na luga di esey, busca oportunidad pa pasa tempo cu hende en persona y asina haya berdadero amigo.

• Principio di Bijbel: “Un berdadero amigo ta stima semper; e ta un ruman cu bo por conta cu ne den tempo dificil.”​—Proverbionan 17:17.

Busca oportunidad pa yuda otro hende. Ora bo haci cos bon pa otro hende, esey ta yuda bo fortalece bo amistad cu nan y hasta e ta laga bo sinti mas feliz.

• Principio di Bijbel: “Tin mas felicidad den duna cu den ricibi.”​—Echonan 20:35.

Wak mas informacion interesante di Bijbel riba nos website. E informacion ey lo yuda bo cera bon amistad.