Mas y Mas Hende Ta Sufri di Soledad—⁠Loke Bijbel Ta Bisa

Di acuerdo cu un informe mundiala un di cada cuater hende ta sufri di soledad.

• “Sin importa unda un hende ta biba of ki edad e tin, e por sinti falta di amistad of contacto cu otro hende.”​—Chido Mpemba, co-presidente di Commission on Social Connection di Organisacion Mundial di Salud.

Tin hende ta pensa cu ta solamente hende cu ta biba nan so of cu ta di edad ta sufri di soledad. Pero hasta hende jong, hende cu tin bon salud, hende cu ta exitoso den bida y hende casa por sufri di soledad. Ora un hende no tin contacto cu otro hende y ta sufri di soledad, esey por afecta su salud fisico y mental.

• Dr. Vivek Murthy, director general di salubridad di Merca, a bisa: “Soledad no ta djis afecta con bo ta sinti. Ora bo no tin suficiente contacto cu hende, bo riesgo di muri ta mes grandi cu un hende cu ta huma 15 sigaria pa dia.”

Loke Bijbel ta bisa

Nos Creador no kier pa nos isola nos mes di otro hende. Dios su proposito semper tabata pa hende disfruta di bon compania.

• Principio di Bijbel: “Dios a bisa: ‘No ta bon pa e homber keda su so.’”​—Genesis 2:18.

Dios kier pa nos tin un amistad cu ne. E ta priminti di hala cerca nos ora nos haci esfuerso pa hala cerca dje.​—Santiago 4:8.

• Principio di Bijbel: “Feliz ta esnan cu ta consciente di nan necesidad spiritual, ya cu e Reino di cielo ta di nan.”​—Mateo 5:3.

Dios kier pa nos ador’e hunto cu otro hende. Nos lo sinti nos mas feliz ora nos haci esey.

• Principio di Bijbel: “Laga nos presta atencion na otro pa nos por stimula otro pa mustra amor y haci bon obra, y no keda sin bay e reunionnan, ... sino mas bien anima otro.”​—Hebreonan 10:24, 25.

Pa mas informacion tocante e importancia di lucha contra soledad, lesa e articulo “Soledad den un Mundo Yen di Medio di Comunicacion.”