Testigonan di Jehova—Un Historia di Fe Bibo, Parti 2: Nan Ta Laga Nan Luz Briya

Despues cu Ruman Rutherford y su socionan a sali for di prizon na 1919, e Studiantenan di Bijbel tabatin un trabou enorme nan dilanti. Manera e DVD Testigonan di Jehova—Un Historia di Fe Bibo, Parti 2: Nan Ta Laga Nan Luz Briya ta mustra, e Studiantenan di Bijbel a haya nan cu hopi oposicion, nan comprondemento di e Scritura a sigui crece y nan fe a ser refina. (Pro. 4:18; Mal. 3:1-3; Juan 15:20) Ora bo caba di wak e DVD, purba contesta e siguiente preguntanan.

(1) Ki metodonan e Studiantenan di Bijbel a uza pa plama e bon noticia? (2) Kico a pasa na e congresonan historico di 1931 y 1935? (3) Ki informacion importante E Toren di Vigilancia di 1 di november 1939, na Ingles, a trata? (4) Conta kico a pasa na Madison Square Garden durante e discurso “Gobierno y Paz” cu Ruman Rutherford a duna. (5) Kico a haci e discurso “Paz Por Dura?” cu Ruman Knorr a duna uno remarcabel? (6) Ki plannan Testigonan di Jehova a traha na 1942 pa expande e trabou di predica? (7) Menciona algun di e casonan legal cu a ser bringa na Merca, Canada y Grecia. (8) Con e Scol di Galaad a contribui na e expansion di e trabou di predica? (9) Ki trabou importante a cuminsa na 1946 y dicon? (10) Ki pasonan Testigonan di Jehova a dal pa haci sigur cu nan conducta ta cuadra cu normanan biblico? (11) Menciona algun di e ahustenan cu e organisacion a haci den e decada di 1970 pa pega mas na e patronchi cu tin den Bijbel. (12) Con e DVD aki a yuda bo compronde mas mihor cu e organisacion aki ta di Jehova y cu e tin tur cos bou di control? (13) Con e DVD aki a fortalece bo determinacion pa sigui predica cu celo a pesar di obstaculo? (14) Con nos por uza e DVD aki pa yuda nos famia, studiantenan di Bijbel y otro personanan?

Cada dia cu pasa ta agrega un capitulo nobo na e historia di Testigonan di Jehova. Kico e registro aki lo bisa tocante nos esfuersonan den sirbishi? Mescos cu nos rumannan a haci den pasado, laga nos sigui “laga e luz briya”!—2 Cor. 4:6.