Un Campaña Cu Ta Duna Resultado

Tres siman prome cu nos congreso cuminsa, nos lo participa un biaha mas den un campaña pa invita personanan interesa den nos teritorio pa e congreso. Tin bon motibo pa tene e campaña anual aki. Esnan cu acepta e invitacion y asisti na e congreso hopi biaha ta keda impresiona cu e discursonan basa riba Bijbel, e trahadornan boluntario cu ta sirbi den departamentonan bon organisa y nos union y bon conducta. (Sal. 110:3; 133:1; Isa. 65:13, 14) Pero kico di luganan caminda hende interesa tin cu core distancianan largo pa asisti na un congreso? Ey tambe e campaña ta duna resultado?

Despues di e congreso di districto 2011, un sucursal a ricibi un carta di un señora cu a haya un invitacion cu nan a laga na su cas. E señora normalmente tabata sconde ora Testigonan di Jehova bishit’e na su cas. El a skirbi: “Mi tin un bunita cas, un excelente esposo, y m’a pensa cu mi tabatin tur loke por a haci mi feliz. Pero ta tristo pa bisa cu a pesar di esey mi no tabata feliz y mi bida no tabatin proposito. Pesey m’a dicidi di core 320 kilometer cu auto pa asisti na e programa di diasabra.” El a disfruta asina tanto di e congreso cu el a bel su casa pa bis’e cu e lo pasa anochi eybanda pa e por asisti na e programa di diadomingo tambe.“ M’a scucha tur e discursonan, m’a cera conoci cu hopi Testigo di Jehova y mi no tabata kier pa e cos aki caba.” Despues cu el a bay cas bek, el a cuminsa studia y cuater luna despues el a bira un publicador no-batisa. “Mi ta masha contento cu m’a haya e invitacion cu nan a laga na mi cas, pasobra awor si mi bida tin proposito!”

Algun hende cu haya e invitacion lo asisti. Pesey, participa cu entusiasmo den e campaña importante aki. Si bo resta invitacion, trece nan na e luga di congreso y uza nan pa duna testimonio informal.

[Cuadro na pagina 5]

Con Nos Lo Ofrece e Invitacion?

Pa nos por cubri henter e teritorio, nos mester ta breve. Por ehempel, nos por bisa: “Con ta bay? Rond mundo Testigonan di Jehova ta partiendo e invitacion aki. Nos tin un pa bo tambe. Pa mas detaye, lesa e invitacion.” Sea entusiasma. Ora bo ta parti e invitacion den weekend, lo bo por ofrece e revistanan tambe.