Con pa Mehora Nos Sirbishi: Predica via Intercom

Dicon Esey Ta Importante: E idea di predica via intercom por duna un publicador miedo. Pero con nos por evita cu e obstaculo aki ta mengua nos celo of entusiasmo pa sirbishi? Tene na mente cu kisas e unico manera cu nos por alcansa algun hende cu e bon noticia ta via intercom. (Rom. 10:14) Y experencia ta mustra cu e manera aki di predica ta duna bon resultado. (Wak e Anuario 2011, pag. 65, par. 2, te cu pag. 66, par. 1 y e Anuario 2000, pag. 54, par. 3.) Ban wak algun sugerencia.

Con pa Haci Esaki:

Prepara un presentacion cortico y skirbie pa asina bo por les’e via intercom pa e persona. Esaki por duna bo mas confianza. For di principio, splica e motibo di bo bishita. Yama e persona na su fam si e ta para skirbi. Na final, bis’e cu bo tin un tratado of revista cu ta duna mas informacion y puntr’e si bo por entreg’e personalmente of si bo por lag’e na su porta.
Keda positivo. Smile y haci gesto comosifuera e persona ta para bo dilanti.
Keda trankil y papia na un manera natural, cla y cu bon volumen. Evita di pausa innecesariamente, pero no papia mucho lihe tampoco.
Mustra sano huicio. Na algun compleho di apartamento, nos por haya nos mes cu varios bel di intercom. Lo ta bon pa nos primi bel di dos pa tres apartamento so, tuma nota unda nos a keda y despues bay. Kisas e habitantenan por bira nervioso si nos tuma mucho tempo pa para primi bel di tur e apartamentonan.

Purba di Haci Esaki Durante e Luna Aki:

Durante boso adoracion como famia inclui sesionnan di practica caminda e participantenan ta papia cu lomba pa otro.