Resureccion di Hesus te na Encarselacion di Pablo

Dios a resusita Hesus riba e di tres dia despues di su morto. Riba e dia ei el a aparece na su siguidonan na cinco ocasion. Hesus a sigui aparece na nan pa 40 dia. Anto, mientras cu algun discipel tabata wak, Hesus a subi na shelo. Dies dia despues Dios a drama spirito santo riba e siguidonan di Hesus cu tabata sperando na Jerusalem.

Despues, enemigonan di Dios a encarsela e apostelnan, pero un angel a libra nan. Enemigonan a piedra discipel Esteban mata. Pero nos lo siña con Hesus a scohe un di e enemigonan ei pa e bira su sirbidor special, kende a bira apostel Pablo. Anto, tres aña y mei despues di morto di Hesus, Dios a manda apostel Pedro pa predica na Cornelio y su famia, kendenan no tabata Hudiu.

Rond di 13 aña despues Pablo a cuminsa su prome biahe pa predica. Timoteo a compaña Pablo durante su di dos biahe. Nos lo lesa con Pablo y su compañeronan di biahe a pasa momentonan emocionante den sirbishi di Dios. Finalmente, Pablo a ser encarsela na Roma. Dos aña despues nan a lag’e sali liber, pero despues nan a ser’e atrobe y a mat’e. E sucesonan di PARTI 7 a tuma luga durante un periodo di mas o menos 32 aña.