“Tabata e Prome Buki Cu El A Yega di Lesa”

Hopi bes Testigonan di Jehova na Ucrania ta papia cu esnan cu ta warda riba trein. Un señora cu a mustra interes den Bijbel a haña un ehemplar di Mi buki di relato bíblico, un publicacion cu ta usa hopi plachi pa relatá e historia di Bijbel den órden cronológico.

Mas despues, na e mésun stacion, e señora a mira e Testigo atrobe i a gradicié pa e buki, splicando: “Mi yu homber no tabata gusta studia su bukinan di scol. Casi e no tabata lesa nan mes. Pero ora mi a dun’é e buki Relato bíblico, el a mira e plachinan i a haña masha gana di les’é. El a lesa e buki completo den mas of ménos dos siman. Esei tabata e promé buki cu el a yega di lesa. Pero mihó cu tur cos, e ta contentu cu el a siña conocé Dios. I ami mes ta contentu cu e cambionan cu mi ta mira den dje. Por fabor, duná mi algu mas pa lesa.”

Tabatin un otro señora pará ei banda cu a tende loke a pasa. El a puntra si e por a haña un ehemplar di Mi buki di relato bíblico. Abo tambe por obtené un ehemplar dje buki aki di 256 página of laga un hende bishitá bo na cas pa considerá cu bo e balor di un studio bíblico, dor di skirbi Watchtower, P.O. Box 4708, Curaçao, N.A., of n’e adres mas cerca di bo na página 5.