Nos Invitacion Na Abo

Nos a disfrutá di papia cu bo via e páginanan dje foyeto aki. Nos ta spera cu bo a disfrutá di haña sa mas tocante e Testigonan di Jehova. Por fabor aceptá nos invitacion pa bishitá nos na nos Salon di Reino local. Mira con nos reunionnan ta ser conducí. Mira con nos ta haci un esfuerso diligente pa compartí e bon nobo di un paradijs terenal bou di e Reino di Cristo cu otro hende.

Dios a primintí esaki. “Tin shelu nobo i un tera nobo cu nos ta spera segun su promesa, i den esakinan husticia lo tin cu biba.” (2 Pedro 3:13) Hopi siglo a pasa caba. E tempu di warda ta yegando su final. Situacion mundial ta mustra esaki.

“Segun cu boso ta contemplá e dia yegando cerca,” apostel Pablo a bisa, “considerá otro pa incitá otro na amor i na obranan excelente, sin bandoná nos reunimentu huntu.” (Hebreonan 10:24, 25) Nos ta invitá bo pa sigui e conseho di Pablo i reuní huntu cu nos.