KIKO BEIBEL TA BISA?

Kiko ta sosodé ora nos muri?

ALGUN HENDE TA KERE ku nos ta sigui biba den un otro region. Otronan ta kere ku morto ta fin di tur kos. Kiko abo ta kere?

LOKE BEIBEL TA BISA

“E mortonan no sa nada.” (Eklesiástes 9:5) Ora nos muri, nos ta stòp di eksistí.

KIKO MAS NOS POR SIÑA FOR DI BEIBEL?

• E promé hòmber, Adam, a bolbe na stof ora el a muri. (Génesis 2:7; 3:19) Meskos tambe, ora nos muri, nos ta bolbe bira stof.—Eklesiástes 3:19, 20.

• Ora un hende muri, Dios ta pordoná su pikánan. (Romanonan 6:7) Hende ku muri no ta haña kastigu despues di morto.

E mortonan por bolbe biba?

KIKO LO BO KONTESTÁ?

• Sí

• Nò

• Kisas

LOKE BEIBEL TA BISA

“Lo bai tin un resurekshon.” —Echonan 24:15.

KIKO MAS NOS POR SIÑA FOR DI BEIBEL?

• Hopi biaha Beibel ta kompará morto ku soño. (Huan 11:11-14) Dios por lanta e mortonan meskos ku ora nos ta lanta un persona for di soño.—Yòb 14:13-15.

• Den Beibel tin diferente relato di resurekshon. Esaki ta konvensé nos ku e mortonan lo resusitá.—1 Reinan 17:17-24; Lukas 7:11-17; Huan 11:39-44.