Kiko Beibel Ta Bisa?

Kiko Armagedon ta?

Algun hende ta kere . . .

ku lo e ta un destrukshon kompleto di e planeta akí kousá pa armanan nuklear òf un desaster natural. Kiko abo ta pensa?

Loke Beibel ta bisa

Armagedon ta un lugá simbóliko kaminda “e guera” di “e gran dia di Dios, e Todopoderoso” lo tuma lugá. E guera akí ta kontra e malbadonan.—Revelashon 16:14, 16.

Kiko mas nos por siña for di Beibel?

• Dios lo bringa e guera di Armagedon, no pa destruí e tera, sino pa evitá ku hende ta kaba kuné.—Revelashon 11:18.

• E guera di Armagedon lo kaba ku tur guera.—Salmo 46:8, 9.

Bo por sobrebibí e guera di Armagedon?

Kiko lo bo kontestá?

• Sí

• Nò

• Kisas

Loke Beibel ta bisa

“Un multitut grandi” di hende di tur nashon lo sobrebibí “e tribulashon grandi,” ku lo kaba den e guera di Armagedon. —Revelashon 7:9, 14.

Kiko mas nos por siña for di Beibel?

• Dios ke pa mas tantu hende posibel sobrebibí Armagedon. Lo e destruí e malbadonan komo último rekurso. —Ezekiel 18:32.

• Beibel ta splika kon nos por sobrebibí Armagedon.—Sofonías 2:3.