Ora Bida Ta Parse Insoportabel

Por ehèmpel, Sally,a di Merka, a pèrdè kasi tur loke e tabatin ora un orkan a pasa. Sally a splika: “Mi a sinti ku mi no tabata por mas i ku mi a yega mi límite.”

Morto di un ser kerí tambe por ta algu hopi duru. Janice, di Australia, a bisa: “Ora m’a pèrdè mi dos yu hòmbernan, mi tabata asina kibrá ku m’a sinti ku mi no tin motibu mas pa biba. M’a roga Dios: ‘Por fabor, mi no por mas. Djis laga mi drumi sin lanta mas.’”

Loke tabata hopi duru pa Daniel ta ku su esposa a bira infiel. El a splika: “Ora mi esposa a bisa mi ku el a traishoná mi, tabata komo si fuera el a hinka un kuchú den mi kurason. Bes tras bes mi tabata sinti e doló físiko ei, komo si fuera un kuchú ta hinka mi. Esaki a dura pa vários luna.”

Den E Toren di Vigilansia akí lo bo wak ku ta bale la pena pa sigui biba asta ora:

• Un kalamidat tuma lugá

• Un ser kerí fayesé

• Un kasá bira infiel

• Bo tin un malesa grave

• Bida ta parse insoportabel

Di promé, ban wak kiko por yuda nos ora nos bira víktima di un kalamidat.