Reunionnan Di Sirbishi Pa Juli
Siman di 1 di Juli
Cantica 90
12 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di luna di mart di tantu e tres islanan ABC (na pág. 2) como dje congregacion local.
15 min: “Cumpliendo cu Nos Voto Dia Tras Dia.” Pregunta i contesta. Incluí comentarionan for di Perspicacia, Volúmen 2, página 1213, §1-2, [na ingles Volúmen 2, pág. 1162, §6-7], mustrando pakico un voto ta un obligacion serio.
18 min: “Imitá Jehova dor di Ta Berdaderamente Interesá den Otronan.” (§1-3) Usa e promé paragraf pa desaroyá e tema dje artículo. Determiná cua foyetonan cu actualmente tin na stock den e congregacion lo por lanta interes den bo teritorio. Despues repasá solamente §2-3, i demostrá con por trata tantu e promé bishita como e rebishita cu e foyeto Dios Realmente Ta Interesá den Nos? Mustra con publicadornan lo por traha nan mes presentacion pa un otro foyeto cu lo ta apropiado pa e teritorio local.
Cantica 112 i oracion di conclusion.
Siman di 8 di Juli
Cantica 43
10 min: Anuncionan local. Informe di cuenta.
15 min: “Imitá Jehova dor di Ta Berdaderamente Interesá den Otronan.” (§4-5) Considerá solamente §4-5 i algun punto sobresaliente dje foyeto Ora un Persona Stimá Muri. Anto demostrá e presentacionnan sugerí pa e bishita inicial i e rebishita.
20 min: “Tin Mester di Mas Ruman Homber den e Sirbishi di Pionero.” Pregunta i contesta. Segun tempu permití, repasá e sugerencianan en cuanto con pa percurá pa necesidadnan financiero, manera el a ser tratá den E Toren di Vigilancia di 15 di september, 1993, página 28-31.
Cantica 16 i oracion di conclusion.
Siman di 15 di Juli
Cantica 162
10 min: Anuncionan local.
20 min: “Bo A Purba Testificacion Djanochi?” Un discurso cu participacion di auditorio i algun entrevista. Relatá loke a ser observá localmente ora traha e teritorio mas lat den dia. Incluí experencianan cu ta mustra resultadonan positivo di testificacion djanochi. Mencioná e orario semanal di reunionnan pa sirbishi dje congregacion.
15 min: “Imitá Jehova dor di Ta Berdaderamente Interesá den Otronan.” (§6-8) Usa e último paragraf dje artículo pa animá tur publicador pa rebishitá unbes e personanan cerca ken nan a laga foyeto. Usando §6-7, demostrá con pa ofrecé e foyeto ¿Qué propósito tiene la vida? na e bishita inicial i con pa cuminsá un studio den e promé capítulo dje buki Conocimentu na e rebishita. Recordá e publicadornan cu nan por traha nan mes presentacionnan pa otro foyetonan, siguiendo e modelo di presentacionnan sugerí den Nos Ministerio di Reino.
Cantica 64 i oracion di conclusion.
Siman di 22 di Juli
Cantica 108
10 min: Anuncionan local. Repasá brevemente e edicionnan mas recien dje revistanan, señalando puntonan sobresaliente i interesante cu lo por usa ora di presentá nan na porta.
15 min: Sigui Tras dje Meta di Sirbishi di Tempu Completo. Consideracion entre un anciano i un of dos tiener, basá riba La Atalaya di 15 di december, 1988, página 25-7. E hóbennan ta purba dicidí ki meta nan lo sigui tras di dje despues di caba scol secundario. Nan ta mustra interes den bentahanan material cu careranan mundano ta ofrecé. Anciano ta indicá bon motibunan pakico lo ta hopi mas mihó pa purba drenta e sirbishi di pionero. Tienernan ta bai di acuerdo pero nan ta duda cu nan por traha pionero i percurá pa nan mes materialmente. Anciano ta compartí experencianan for dje artículo di La Atalaya, mustrando cu sirbishi di pionero ta un meta razonabel i alcansabel cu ta trece goso pa hopi ruman. Consideracion ta terminá cu e hóbennan expresando aprecio p’e anciano su comentarionan i nan determinacion pa pensa seriamente riba sigui tras dje meta di tin un pleno participacion den sirbishi di Reino.
20 min: “Con pa Haci Disipel cu e Buki Conocimentu.” Un discurso cubriendo §12-16 dje suplemento di juni 1996. Incluí dos demostracion di un studio di Bijbel cu ta andando. E promé ta mustra con pa entrená e studiante pa prepará e les dor di marca cu ‘highlighter’ of subrayá palabra i frasenan clave cu mas directamente ta contestá e pregunta imprimí. E segundo studio ta demostrá kico lo bo por bisa pa animá e studiante di Bijbel pa asistí n’e Reunion Público i Studio di Toren di Vigilancia.
Cantica 116 i oracion di conclusion.
Siman di 29 di Juli
Cantica 212
10 min: Anuncionan local. Repasá “Programa Nobo di Asamblea di Circuito.”
20 min: Kico Lo Yudá Bo Haña un Studio di Bijbel? Un anciano ta dirigí un consideracion entre dos of tres ruman cu tabatin éxito den haña studio di Bijbel, repasando maneranan pa tin mas éxito den cuminsá studionan: (1) Pidi Jehova su yudansa den oracion. (2) Participá regularmente den vários rasgo dje ministerio pa haña esnan interesá. (3) Haci un nota di tur persona interesá i haci rebishitanan unbes. (4) Semper ofrecé un studio caminda hende mustra interes. (Mira e subtema “Cuminsando Studionan di Bijbel,” na página 20 di E Toren di Vigilancia di 15 di februari, 1996.) (5) Desaroyá confiansa den bo abilidad di siña dor di usa e cuater sugerencianan describí na página 13-17 di La Atalaya di 1 di augustus, 1984.
15 min: Necesidadnan Local. Of un anciano ta duna un discurso riba “Consuelo i Animacion—Hoyanan di Hopi Faceta,” for di E Toren di Vigilancia di 15 di januari, 1996, página 21-3.
Cantica 165 i oracion di conclusion.