Caha Di Pregunta

◼ Kico mester haci ora un orador público asigná no ta yega na tempu pa e reunion?

De bes en cuando, circunstancianan inevitabel lo prevení un ruman homber di yega na tempu pa duna su discurso programá. Si tin motibu pa kere cu lo e yega un djis, e ancianonan por dicidí di cuminsá numa cu e Studio di Toren di Vigilancia; lo por sigui cu e Reunion Público despues. Kico si bira bisto cu e orador lo no yega? Kisas un dje oradornan local lo por duna cualkier discurso cu e tin prepará caba.

Planeamentu cuidadoso di antemano generalmente ta prevení e problema aki. E coordinador di discurso público mester tuma contacto cu cada orador por lo ménos un siman di antemano pa record’é di su asignacion. E recordatorio mester incluí e ora dje reunion, e adres i number di telefon dje Salon di Reino i instruccionnan cla con pa haña e salon. E orador mester haci nota cuidadoso dje detayenan aki. E mester tuma e asignacion na serio, haciendo cualkier ahuste necesario den su asuntunan personal di manera cu e por cumpli cu e responsabilidad aki. Si algu inevitabel presentá cu lo previnié di duna e discurso, e mester tuma contacto inmediatamente cu e coordinador di discurso público di manera cu por haci areglo pa un substituto. Mester haci tur esfuerso pa evitá cancelacionnan na último momento. Si e orador a ser atrasá i lo ta un par di minuut lat, e por soru pa un yamada ser hací n’e Salon di Reino di manera cu e rumannan lo sa kico pa haci.

Aprecio pa asignacionnan pa duna discurso público, bon planeamentu di antemano huntu cu recordatorionan, i supervision cuidadoso por sigurá cu e congregacion lo por disfrutá di un discurso público beneficioso tur siman.