Reunionnan di Sirbishi pa Februari

Siman di 3 di Februari

Cantica 27

10 min: Anuncionan local. Anuncionan selectá for di Nos Ministerio di Reino. Noticianan Teocrático.

15 min: “Participá den e Trabou cu Nunca Mas Lo Ser Ripití.” Pregunta i contesta. Segun tempu permití, incluí puntonan for di “Con pa Keda Alerto?” na página 714-15 dje buki Proclamadores.

20 min: “Presentando e Bon Nobo cu un Sentido di Urgencia.” (§1-5) Despues di comentarionan breve riba §1, e ruman asigná cu e parti ta considerá §2-5 huntu cu dos of tres publicador. Nan ta repasá puntonan sobresaliente dje presentacionnan cu ta ser sugerí i ta comentá riba pakico e presentacionnan aki of algu similar lo por ta eficas den e teritorio local. Publicadornan ta tuma turno pa practicá e presentacionnan. E ruman encargá cu e parti ta duna encomendacion, ta sugerí maneranan pa haci e presentacionnan mas eficas. Caba e ta puntra e auditorio en cuanto maneranan pa alcansá e meta di cuminsá studio. Duna ideanan specífico dje manera cu, cu tempu, por cuminsá un studio den e buki Conocimentu.

Cantica 34 i oracion di conclusion.

Siman di 10 di Februari

Cantica 29

5 min: Anuncionan local. Informe di cuenta.

10 min: “Presentando e Bon Nobo cu un Sentido di Urgencia.” (§6-8) Tene demostracion dje presentacionnan den §6-7. Enfatisá e necesidad di haci un rebishita caminda e persona a mustra interes.

30 min: “Ta Busca—400 Pionero Auxiliar.” Abarcá mediante pregunta-i-contesta na encargo dje superintendente di sirbishi. Resaltá e cuadro na página 3. Repasá e muestranan di orario na página 6. Cada publicador bautisá mester considerá personalmente i cu oracion si ta posibel p’e inscribí pa un of mas luna. Publicadornan no-bautisá por expandé nan participacion den e ministerio dor di fiha nan propio meta di oranan pa cada luna.

Cantica 43 i oracion di conclusion.

Siman di 17 di Februari

Cantica 30

10 min: Anuncionan local. Mencioná puntonan di combersacion interesante den e revistanan actual cu por usa den sirbishi e siman aki.

13 min: “Memorial—Un Evento di Gran Importancia!” Pregunta i contesta. Duna animacion pa haci henter e luna di mart special dor di traha como pionero auxiliar. Resaltá uso di invitacionnan di Memorial.

22 min: Cuminsando Studionan di Bijbel na Cas. Den lunanan recien, a laga cientos di miles di buki. Esaki ta percurá un base pa cuminsá hopi mas studio di Bijbel na cas. Repasá loke a ser lográ localmente den lagamentu di buki i otro literatura. Animá publicadornan pa haci rebishita cerca tur hende cu a mustra interes. Laga vários publicador relatá specíficamente e esfuerso rekerí di nan parti pa cuminsá studionan nobo di Bijbel. Enfatisá cu un parti integral di nos comision ta pa haci disipel. (Mat. 28:19, 20) Nos por haci esaki eficasmente si nos haci esfuerso pa aplicá e sugerencianan describí den e suplemento di Nos Ministerio di Reino di juni 1996.

Cantica 47 i oracion di conclusion.

Siman di 24 di Februari

Cantica 32

18 min: Anuncionan local. Anunciá nomber di tur esnan cu ta trahando como pionero auxiliar na mart. Splica cu no ta demasiado lat pa entregá un solicitud. Animá tur publicador pa tin un pleno participacion den sirbishi di veld riba diasabra, 1 di mart. Describí e areglonan adicional cu localmente ta ser hací pa reunionnan pa sirbishi di veld durante e luna. Repasá e Caha di Pregunta cuidadosamente.

12 min: “Kico di Bo Famianan?” Esposo i esposa ta considerá e artículo huntu i ta dicidí con pa acercá famianan incrédulo cu e bon nobo.—Mira La Atalaya di 15 di februari, 1990, página 25-7.

15 min: Repasá Oferta di Literatura pa Mart—E Secreto pa Felicidad den Famia. Considerá brevemente e motibunan pa cua famianan den e sociedad moderno ta kibra. (Mira La Atalaya di 15 di october, 1992, página 4-7.) Repasá e contenido dje buki na página 3. Invitá auditorio pa selectá capítulonan cu lo por duna e base pa un presentacion. Dirigí atencion n’e cuadro útil di siñansa cu ta aparecé na fin di cada capítulo. Laga un publicador capas demostrá con pa presentá e buki. Recordá tur presente pa busca copianan dje buki pa usa e fin di siman aki.

Cantica 48 i oracion di conclusion.