Reunionnan Di Sirbishi Pa Mart

Siman di 3 di Mart

Cantica 53

10 min: Anuncionan local. Anuncionan selectá for di Nos Ministerio di Reino. Animá tur presente pa cuminsá invitá personanan interesá pa e Memorial dia 23 di mart. Mustra un copia dje invitacion di Memorial, i insta tur presente pa obtené un cantidad i cuminsá distribuí nan e siman aki.

15 min: “Edificá Bo Famia di Cas.” Pregunta i contesta. Incluí experencianan for dje Anuario di 1995, página 228.

20 min: “Yudando Famianan Sigurá un Futuro Duradero.” (§1-5) Haci comentarionan breve riba §1, i despues considerá con por cultivá interes den e buki Felicidad den Famia dor di usa título dje capítulonan, plachinan colorido i cuadronan di repaso. Laga publicadornan competente demostrá e presentacionnan den §2-5. Animá tur ruman pa haci un esfuerso special pa laga e buki cu famianan cu anteriormente a mustra interes. Corda mencioná e contribucion.

Cantica 71 i oracion di conclusion.

Siman di 10 di Mart

Cantica 56

10 min: Anuncionan local. Informe di cuenta. Recordá tur presente pa haci sigur di sigui e lesamentu di Bijbel pa Memorial programá pa 18 te cu 23 di mart, manera ta indicá den Examinando e Scritura Diariamente.

20 min: “Mustra cu Boso Ta Gradicidu.” Pregunta i contesta. Tur publicador mester haci un esfuerso sincero pa invitá studiantenan di Bijbel, personanan interesá, miembronan di famia cu tin un disposicion faborabel, i cualkier ruman cu no ta asociando activamente cu e congregacion pa asistí n’e Memorial. Demostracion breve di un publicador invitando un persona interesá na Memorial, usando e invitacion di Memorial. Haci comentarionan adicional riba La Atalaya di 1 di juli, 1988, página 11, §16-17. Animá tur cu por pa traha pionero na april i mei.

15 min: “Yudando Famianan Sigurá un Futuro Duradero.” (§6-8) Ofrecé algun sugerencia cu ta mustra con pa ofrecé e buki Felicidad den Famia ora haci testificacion informal na trabou, na scol, den parke, of den transporte público, i tambe ora bishitá parientenan. Laga un publicador competente demostrá e presentacionnan den §6 i 7. E consideracion n’e rebishita mester yuda e persona comprendé con un studio di Bijbel por fortalecé lasonan di famia. Mester conducí studionan den e foyeto Kico Dios Ta Rekerí di Nos?, cu e meta pa pasa over n’e buki Conocimentu, of por cuminsá e studio den e buki Conocimentu mes.

Cantica 72 i oracion di conclusion.

Siman di 17 di Mart

Cantica 63

15 min: Anuncionan local. Repasá “Recordatorionan pa Memorial,” i describí areglonan local pa Memorial. Tur ruman mester haci plannan definitivo pa yuda studiantenan di Bijbel i personanan interesá pa asistí.

15 min: Necesidadnan local. Of un discurso na encargo di un anciano riba e artículo “Bo Realmente Tin cu Pidi Dispensa?” for dje Toren di Vigilancia di 15 di september, 1996, página 22-4.

15 min: Haci Bon Uso dje Anuario de los Testigos de Jehová para 1997. Tata ta repasá cu su famia puntonan sobresaliente cu ta ser abarcá na página 3-9. E ta mustra pakico nos ta alegrá pa mira progreso teocrático na tur parti di mundu. Tata ta splica con, durante e aña binidero, nan por tuma un par di minuut tur dia na ora di come pa lesa un pida for dje Anuario te cab’é i tambe considerá e texto di dia.

Cantica 75 i oracion di conclusion.

Siman di 24 di Mart

Cantica 67

9 min: Anuncionan local. Splica cu no ta muchu lat pa entregá un solicitud pa traha pionero auxiliar na april. Describí areglonan adicional cu ta ser hací localmente pa reunionnan pa sirbishi durante e luna.

24 min: “Tuma un Curashi pa Haci Rebishita.” (§1-20) Pregunta i contesta. Demostrá brevemente §16.

12 min: Yudando un Publicador Nobo pa Cuminsá. Repasá §19 den e suplemento di Nos Ministerio di Reino di juni 1996. Demostrá con un publicador competente ta prepará un studiante di Bijbel cu a caba di ser aprobá p’e ancianonan pa ta un publicador no-bautisá. Nan ta repasá huntu e buki Nos Ministerio, página 111, §2. E publicador experenciá ta indicá e cosnan cu probablemente lo e encontrá ora di participá den testificacion di cas-pa-cas i cu e no mester desanimá si mayoria hende no reaccioná faborablemente. Publicador ta relatá un experencia animador cu ta mustra e goso cu ta bini ora nos haña un persona sincero cu ta tende. Huntu nan ta prepará un presentacion di revista breve i simpel i despues ta practik’é. Encomendacion animante ta ser duná i nan ta haci areglonan definitivo pa traha den sirbishi di veld huntu e siman aki.

Cantica 89 i oracion di conclusion.

Siman di 31 di Mart

Cantica 70

15 min: Anuncionan local. Invitá tur persona interesá pa asistí n’e discurso público special dia 6 di april. Recordá tur publicador pa entregá nan raport di sirbishi di veld pa mart. Anunciá nomber di tur esnan cu ta traha pionero auxiliar na april. Repasá Caha di Pregunta.

20 min: “Tuma un Curashi pa Haci Rebishita.” (§21-35) Pregunta i contesta. Repasá e cuadro na página 3. Animá tur publicador pa conta tur rebishita cu nan a haci durante e luna ora di raportá nan sirbishi di veld.

10 min: Repasá Oferta di Literatura pa April. Ofrecé abonament riba E Toren di Vigilancia i Spierta! Relatá brevemente e sugerencianan riba con pa prepará presentacionnan di revista cu ta aparecé den §3, 4 i 8 na página 8 di Nos Ministerio di Reino di october 1996. Laga dos publicador demostrá un of dos presentacion corticu. Publicadornan mester mantené un registro di esnan cu aceptá revista i agregá nan na nan ruta di revista.

Cantica 92 i oracion di conclusion.