Reunionnan Di Sirbishi Pa Juli

Siman di 7 di Juli

Cantica 6

10 min: Anuncionan local. Anuncionan selectá for di Nos Ministerio di Reino. Comentá riba e raport di sirbishi di veld di mart pa e tres islanan ABC i esun dje congregacion local.

15 min: “Fieldad Ta Ser Recompensá.” Pregunta i contesta. Incluí ehempel relatá den e ¡Despertad! di 22 di januari, 1993, página 18-21.

20 min: “Yuda Otronan Haña Consuelo.” Consideracion cu auditorio. Presentá un of dos demostracion. Invitá auditorio pa relatá otro maneranan cu nan a cuminsá combersacionnan, usando e mésun foyetonan. Animá e rumannan pa usa palabranan simpel i bon scogé pa stimulá interes. (Mira Guía para la Escuela, página 7, §9-11.) Mencioná e otro foyetonan cu por ofrecé i cu e congregacion tin na stock. Ora di laga foyeto, no vacilá pa mencioná e contribucion di un manera positivo.

Cantica 70 i oracion di conclusion.

Siman di 14 di Juli

Cantica 5

12 min: Anuncionan local. Informe di cuenta. Repasá “Nos Lo Studia e Buki Felicidad den Famia.”

18 min: “Testificá na Unda cu Tin Hende.” Un discurso. Segun tempu ta permití, por compartí experencianan adicional for dje Anuario 1997, página 43-6.

15 min: Mayornan—Siña Boso Yunan for di Infancia. Anciano ta considerá principionan bíblico cu ta mustra e necesidad pa mayornan siña nan yunan for di infancia. (Pro. 22:6; 2 Tim. 3:14, 15) Algun mayor ta haña cu no mester duna educacion serio di Bijbel na yunan sino te ora cu nan tin suficiente edad pa tuma nan propio decisionnan. Den casonan asina hopi mucha a bai den e mundu. Instruccion spiritual mester cuminsá den infancia. (g97-S 8/3 26-7; w88-S 1/8 12-13) Entrevistá un pareha casá cu ta mustra interes intenso den e spiritualidad di nan yunan. Mustra con e tata ta hiba delantera pero cu tur dos mayor ta haci nan parti den percurá un programa consistente i cabal pa siña nan yunan. Pareha ta conta loke nan ta haci den un esfuerso pa siña nan yunan e berdad, aplicando sugerencianan cu e organisacion a percurá pa tin un programa eficas i práctico pa siña nan na cas. Anciano ta enfatisá importancia di aplicá loke e Palabra di Dios ta exhortá mayornan pa haci.—w85-S 1/4 23; Efe. 6:1-4.

Cantica 71 i oracion di conclusion.

Siman di 21 di Juli

Cantica 14

12 min: Anuncionan local. Repasá “Programa Nobo di Asamblea di Circuito.”

13 min: “Ken Lo Bai pa Nos?” Un discurso positivo. Incluí e animacion pa traha como pionero regular i e experencia hañá den e suplemento di Nos Ministerio di Reino di februari 1997, §16-17. Esnan cu no por ta pionero regular kisas ta deseá di planea cua t’e luna(nan) cu nan por traha pionero auxiliar durante e aña di sirbishi binidero.

20 min: Sea Prepará pa Duna Testimonio Informal. Tur dia, nos ta haña oportunidadnan pa duna testimonio na hende cu nos ta topa. Ora un oportunidad presentá, kisas nos ta ripará cu nos no tin Bijbel ni publicacionnan pa usa. Planea di antemano. Na cas, tene algun literatura cerca di porta caminda bo ta cumindá bishitantenan. Pone un variedad di literatura den un maletin of tas, i cana cuné of tin e cu bo den auto, na trabou, of den bo kashi na scol. Hiba literatura cu bo ora bo ta usa transporte público. Paketá poco literatura ora bo ta bai riba un biahe di negoshi, ta biaha pa un congreso of ta bai cu vacansi. Considerá sugerencianan adicional den e buki Guía para la Escuela, página 80-2, §11-16. Demostrá brevemente vários manera pa acercá un bendedó, un colega di trabou, un compañero di scol, un otro biahero, of un hende cu tambe ta cu vacansi.

Cantica 72 i oracion di conclusion.

Siman di 28 di Juli

Cantica 15

12 min: Anuncionan local. Recordá tur ruman pa entregá nan raport di sirbishi di veld. Repasá oferta di literatura pa augustus. Den augustus concentrá riba haci rebishita caminda a laga foyeto durante luna di juli, tratando na cuminsá studionan di Bijbel. Usando e suplemento di mart 1997 di Nos Ministerio di Reino, señalá algun dje puntonan esencial pa un rebishita eficas. Mester cuminsá studionan den e foyeto Rekerí of den e buki Conocimentu.

15 min: Necesidadnan local.

18 min: Cumpli cu Bo Ministerio Plenamente. Discurso na encargo di e superintendente di sirbishi basá riba e buki Nos Ministerio, página 5-8. Enfatisá e importancia i urgencia dje trabou di predicá, stimulando tur presente pa tuma nan responsabilidad como minister na serio.

Cantica 75 i oracion di conclusion.