Reunionnan Di Sirbishi Pa Mart

Siman di 1 di Mart

Cantica 33

8 min: Anuncionan local. Anuncionan selectá for di Nos Ministerio di Reino.

17 min: “E Conmemoracion Mundial dje Morto di Cristo.” Pregunta i contesta. Incluí comentarionan for dje Toren di Vigilancia di 1 di februari 1997, página 11-12, §10-14. Enfatisá con Jehova su amor profundo a impuls’é pa percurá e rescate pa nos.

20 min: Motibunan Urgente pa Traha Pionero Auxiliar Durante April i Mei. Discurso i consideracion cu auditorio na encargo dje superintendente di sirbishi, den cua e ta urgi tur pa pensa serio riba e trabou di pionero auxiliar. Repasá e ahustenan relacioná cu e rekisito di ora pa pionero regular i auxiliar cu Nos Ministerio di Reino di januari 1999 a informá di dje na página 4. E ahuste aki lo mester haci posibel pa hopi mas ruman disfrutá dje privilegio di sirbishi di tempu completo. Splica con nos aprecio p’e sacrificio di Cristo ta pone nos bou dje obligacion pa haci esfuerso pa predicá na otronan. (2 Cor. 5:14, 15) E aña aki e fecha di Memorial ta cai riba e promé dia di april. Esaki sí ta un excelente estímulo pa tur publicadó di Reino usa henter e luna pa aumentá nan actividad di sirbishi! Repasá puntonan sobresaliente selectá for dje suplementonan di Nos Ministerio di Reino di februari 1997 i di mart 1998 cu ta trata cu e sirbishi di pionero auxiliar. Considerá con pa adaptá e muestra di programanan cu ta bini padilanti. Repasá areglonan local di sirbishi cu ta ofrecé oportunidad amplio pa participá den e ministerio huntu cu otronan. Animá publicadónan pa despues di reunion, obtené nan solicitud pa sirbishi di pionero auxiliar.

Cantica 44 i oracion di conclusion.

Siman di 8 di Mart

Cantica 52

10 min: Anuncionan local. Informe di cuenta.

20 min: “Invitá Nan pa Bini.” Pregunta i contesta. Enfatisá cu semper mester invitá esnan recien interesá n’e reunionnan di congregacion. Demostrá un combersacion cu un persona interesá, usando e buki Conocimentu, página 159, §20, i página 161-3, §5-8. Animá tur ruman pa haci un esfuerso special pa yuda studiantenan di Bijbel i otro personanan interesá pa asistí na Memorial dia 1 di april. Mustra un ehemplar dje invitacion i splica con por us’é di un manera eficas. E siman aki, tur publicadó mester cuminsá parti invitacion pa Memorial.

15 min: “Con Miembronan di Famia Ta Cooperá pa un Pleno Participacion—Na Reunionnan di Congregacion.” Consideracion dor di un famia. Segun cu nan ta comentá riba e puntonan importante dje artículo, nan ta considerá con nan por prepará pa reunion como famia. Nan ta considerá maneranan den cua nan por yuda otro participá na reunion i kico nan tin cu haci pa yega reunion na tempu.

Cantica 62 i oracion di conclusion.

Siman di 15 di Mart

Cantica 56

10 min: Anuncionan local. Considerá “Lo Bo T’ei?”

15 min: “Sirbidónan Ministerial Ta Rindi Sirbishi Balioso.” Discurso na encargo di un sirbidó ministerial capas. Repasá e puntonan importante cu e buki Nos Ministerio ta trata na página 57-9. Splica con ta usa sirbidónan ministerial pa yuda e congregacion.

20 min: Disfrutá dje Anuario 1999. Consideracion entre esposo i esposa. Un esposo ta splica cu ta na 1927 a publicá e Anuario como un buki pa promé bes, i cu pa mas cu 70 aña caba e ta contené e raport mundial di Testigonan di Jehova. Nan ta considerá e puntonan sobresaliente dje “Totalnan di 1998” na página 31. Despues nan ta considerá “Un Carta di Cuerpo Gobernante” na página 3-5, i nan ta comentá con nan lo respondé n’e animacion cu e ta duna.

Cantica 68 i oracion di conclusion.

Siman di 22 di Mart

Cantica 162

10 min: Anuncionan local. Mencioná nomber dje rumannan cu lo traha como pionero auxiliar den april. Splica cu ainda no ta lat pa entregá un papel di solicitud. Describí henter e programa pa reunionnan pa sirbishi di veld durante april. Animá tur hende pa sigui e lesamentu di Bijbel pa Memorial programá pa 27 di mart te 1 di april, cu ta sali den Examinando e Scritura Diariamente—1999 i tambe riba e kalender di 1999.

15 min: Prepará pa Memorial. Discurso. Tur publicadó mester planea pa yuda studiantenan di Bijbel i otro personanan interesá asistí na Memorial. Kisas esnan nobo cu ta asistí no ta comprendé ken lo por tuma dje emblemanan, ni tampoco e nificacion dje celebracion aki. Repasá e informacion for di E Toren di Vigilancia di 1 di april 1996, página 6-8, i mustra con nos por yuda un persona recien interesá capta e nificacion i propósito dje celebracion aki. Concluí dor di repasá “Recordatorionan pa Memorial” i describí areglonan local pa Memorial.

20 min: Kico Ta Sosodé cu Nos ora Nos Muri? Un anciano ta considerá huntu cu dos of tres publicadó capas e balor dje foyeto i con pa us’é. Awor cu nos a studi’é na Studio di Buki di Congregacion, nos ta mihó familiarisá cu e foyeto. Nos ta us’é eficasmente den sirbishi? E panel ta considerá lo siguiente: Di con e tema aki ta interesá hopi hende? Na contraste cu siñansanan religioso falsu, ki speransa e foyeto aki ta resaltá? Con nos por usa e preguntanan riba e kaft parti patras pa stimulá interes? Na cua oportunidadnan nos por ofrecé e foyeto? Duna un demostracion den cua ta usa e textonan den §14 na página 27. Animá tur persona pa nan ta alerto pa haci bon uso dje foyeto aki.

Cantica 92 i oracion di conclusion.

Siman di 29 di Mart

Cantica 111

12 min: Anuncionan local. Recordá tur publicadó pa entregá nan raport di sirbishi di veld di mart. Durante april nos oferta lo ta abonament riba E Toren di Vigilancia i Spierta! Mustra edicionnan recien dje revistanan, i sugerí cua artículonan nos lo por laga sobresalí, i mencioná algun punto di combersacion specífico. Tur publicadó mester cana cu e foyeto Rekerí i us’é pa cuminsá studio di Bijbel cu personanan interesá.

15 min: Necesidadnan local.

18 min: Con Nos Mester Reaccioná Riba Conseho? Discurso na encargo di un anciano. Nos tur ta haña conseho relacioná cu nos actitud, conducta, asociacion of participacion den actividadnan di congregacion. Tin biaha nos tin tendencia di resistí conseho of sinti nos ofendí. Un spiritu dispuesto pa aceptá i aplicá conseho por ta crucial pa nos bienestar spiritual. Repasá factornan esencial cu ta enfatisá motibunan pakico nos mester aceptá i apreciá conseho.—Mira La Atalaya di 1 di april 1987, página 27-30.

Cantica 118 i oracion di conclusion.