Reunionnan Di Sirbishi Pa Mei

NOTA: Nos Ministerio di Reino lo programá un Reunion di Sirbishi pa cada siman durante lunanan di juli cu augustus. Congregacionnan por haci ahustenan necesario pa permití nan asistí n’e Congreso di Distrito “Dios Su Palabra Profético,” i tambe pa un repaso di 30 minuut dje puntonan sobresaliente dje programa su siman despues den e Reunion di Sirbishi. Promé cu congreso mester asigná e repaso di cada dia dje programa di congreso na tres ruman homber cualificá, kendenan lo enfocá riba puntonan sobresaliente. E repaso bon prepará aki lo yuda e congregacion corda puntonan clave pa nan aplicá personalmente i pa usa den veld. Comentarionan for di auditorio i experencianan relatá mester ta breve i al caso.

Siman di 3 di Mei

Cantica 7

8 min: Anuncionan local. Anuncionan selectá for di Nos Ministerio di Reino. Anunciá e areglonan special pa sirbishi di veld pa dia 13 di mei. Noticianan Teocrático.

17 min: “Siña Otro Hende Beneficiá Nan Mes.” Limitá palabranan di introduccion na ménos cu un minuut, i sigui cu un consideracion di pregunta-i-contesta. Usando capítulo 13 dje buki Conocimentu, duna ehempel con hende ta beneficiá den un manera práctico dor di studia, comprendé i aplicá principio bíblico.

20 min: “Maneranan pa Expandé Bo Ministerio.” Dos anciano ta considerá e artículo como contesta riba preguntanan cu diferente persona den auditorio ta haci. Un publicadó tiener, un pareha casá i un ruman homber dje edad pa baha cu penshon, ta puntra con nan lo por expandé nan ministerio. E ancianonan ta duna sugerencianan práctico for dje artículo i for di capítulo 9 dje buki Nos Ministerio, enfocando riba “Ki Metanan Spiritual Bo Tin pa Futuro?,” página 116-18. E publicadónan ta expresá aprecio pa e informacion útil cu Sociedad ta percurá i cu ta mustra con pa planea pa expandé nos actividad di sirbishi den e futuro inmediato.

Cantica 11 i oracion di conclusion.

Siman di 10 di Mei

Cantica 15

8 min: Anuncionan local. Informe di cuenta.

12 min: Kico Ta Bo Plannan pa Vakansi Grandi? Un famia ta repasá nan areglonan pa asistí na congreso, traha pionero, bai cu vakansi i recreo. (Mira Nos Ministerio di Reino di mei 1998, página 7.) Nan ta considerá con pa prepará pa duna testimonio informal i con pa hacié, i nan ta demostrá con pa iniciá un combersacion. Enfatisá e importancia di keda al dia cu studio di Bijbel personal i di famia, pa bai reunionnan di congregacion ora bo biaha bai afó i pa raportá actividad di sirbishi di veld na bo congregacion na cas. E famia ta recordá i conta e bon experencianan cu nan tabatin ora nan a bishitá otro congregacionnan i e goso cu nan a sinti. Nan ta considerá maneranan cu nan por mustra hospitalidad na rumannan cu bishitá e congregacion.

25 min: “Congresonan di Distrito 1999 ‘Dios Su Palabra Profético.’ ” (§1-10) Pregunta i contesta. Lesa §6 i 10. Enfatisá e motibunan pakico nos mester asistí na henter e congreso, incluso sesionnan di diabierne. Pone énfasis riba e importancia di sigui e instruccion di Sociedad pa bo bini cada dia di congreso cu bo mes cuminda.

Cantica 19 i oracion di conclusion.

Siman di 17 di Mei

Cantica 27

10 min: Anuncionan local.

15 min: “Planea di Antemano!” Un discurso cu ta repasá tur e actividadnan teocrático planeá localmente pa e siguiente lunanan. Animá tur hende pa marca e fechanan riba nan kalender i pa no permití otro cosnan interferí.

20 min: “Congresonan di Distrito 1999 ‘Dios Su Palabra Profético.’ ” (§11-17) Pregunta i contesta. Lesa §12-14. Usa e textonan citá i mencioná pa enfatisá pakico bistí, areglo personal i conducta ta asuntunan cu tin mester di nos sumo atencion.

Cantica 29 i oracion di conclusion.

Siman di 24 di Mei

Cantica 41

15 min: Anuncionan local. Repasá e carta di Sociedad fechá 15 di october 1998, cu ta trata cu e formulario Por Fabor Atendé (S-43-PA). Splica con esaki por yuda pa sigui cultivá interes di hende cu nos topa ora di duna testimonio informal i ora haña contacto cu hende cu ta papia un otro idioma. Animá e publicadónan pa haci bon uso dje formularionan aki.

12 min: Caha di Pregunta. Discurso na encargo di un anciano.

18 min: Nos Tin Parti den un Trabou di Separacion? Discurso motivador na encargo dje superintendente di sirbishi, basá riba E Toren di Vigilancia di 1 di juli 1997, página 30-1.

Cantica 32 i oracion di conclusion.

Siman di 31 di Mei

Cantica 43

15 min: Anuncionan local. Recordá tur ruman pa entregá raport di sirbishi di veld di mei. Repasá oferta di literatura pa juni. Ora di ofrecé e buki Conocimentu, nos por incluí un ehemplar di un buki mas bieu di 192 página cu e congregacion tin di mas den stock. Demostrá un presentacion cu nos por haci.

15 min: Necesidadnan local.

15 min: Kico Tin di Malu na Mi Religion? Consideracion entre dos sirbidó ministerial. Nos ta topa hopi hende cu ta gusta e berdad i cu ta admirá Testigonan di Jehova. Sin embargo, e laso cu nan ta mantené cu nan misa ta stroba nan. Ta difícil pa nan kere cu ta nos tin e único religion berdadero i cu nan forma di adoracion ta falsu. Esaki ta bira un barera grandi pa nan progreso spiritual. E rumannan ta repasá e seis factornan mencioná na página 385 dje buki Razonamiento [na ingles, página 204], cu ta mustra cla-cla cu otro religionnan no ta sigui Bijbel. Animá e auditorio pa usa e puntonan aki cu tacto pa yuda hende sincero evaluá nan creencianan religioso.

Cantica 50 i oracion di conclusion.