Programa di Reunion di Sirbishi

NOTA: Nos Ministerio di Reino lo programá un Reunion di Sirbishi pa cada siman durante e siguiente lunanan. Congregacionnan por haci ahuste segun ta necesario pa permití nan asistí na e Congreso di Distrito “Hacidónan dje Palabra di Dios.” Caminda ta apropiado, usa 15 minuut dje último Reunion di Sirbishi promé cu e congreso pa repasá e conseho al caso cu tin den e suplemento dje luna aki. Animá tur ruman pa tuma un par di minuut pa repasá e programa imprimí promé cu cada sesion di mainta i atardi cuminsá, i anticipá kico lo bai trata. Esaki lo haci mas fácil pa concentrá riba e programa i haci anotacionnan breve pero significativo. Mester programá un repaso di 30 minuut dje puntonan sobresaliente dje programa den e Reunion di Sirbishi, dos pa cuater siman despues dje congreso. Na e ocasion ei tur hende lo ta prepará pa ofrecé un comentario breve ora e tres rumannan cualificá asigná pa haci e parti aki, pidi pa esei. E comentarionan ei por expresá con loke nan a siña n’e congreso ta aplicá na nan mes bida i na nan ministerio di veld. Brevemente por relatá un of dos experencia selectá. Bon preparacion di parti di tur ta e clave pa haci e parti aki dje Reunion di Sirbishi interesante i tambe instructivo.

Siman di 8 di Mei

Cantica 125

15 min: Anuncionan local i Anuncionan selectá for di Nos Ministerio di Reino. Un anciano lo repasá cuidadosamente e nota ariba tocante ahuste den Reunion di Sirbishi.

15 min: “Bo Ta Apreciá Cosnan Sagrado?” Discurso na encargo di un anciano. Enfatisá e importancia di asistí na tur tres dia dje congreso di distrito.

15 min: “Laga Tur Boso Asuntunan Tuma Lugá cu Amor.” Considerá mediante pregunta i contesta. Relatá algun dje dificultadnan cu ta resultá ora personanan keda sin cumpli cu e instruccionnan tocante acomodacion.

Cantica 201 i oracion di conclusion.

Siman di 15 di Mei

Cantica 134

13 min: Anuncionan local. Informe di cuenta.

16 min: “Presta Atencion na Declaracionnan Sagrado.” Pregunta i contesta. Enfatisá e motibunan pakico na comienso di cada sesion nos tur mester ta sintá riba nos stul.

16 min: “Mantené Conducta Excelente Cu Ta Glorificá Dios.” Un anciano ta considerá e artículo huntu cu un famia. Nan ta repasá loke nan tin cu haci pa mantené ordu, bon manera, limpiesa i aparencia i conducta ehemplar den lugánan público.

Cantica 203 i oracion di conclusion.

Siman di 22 di Mei

Cantica 36

12 min: Anuncionan local. Repasá Caha di Pregunta.

20 min: “Keda Lantá.” Considerá mediante pregunta i contesta. Splica pakico ta urgente pa nos keda lantá den sentido spiritual maske nos no sa e dia ni e ora.—Mira E Toren di Vigilancia di 1 di november 1995, página 20.

13 min: Kico Ta Bo Plannan p’e Lunanan di Vakansi? Un famia ta considerá kico nan lo bai haci durante e lunanan di vakansi. Nan ta papia tocante asistí na tur tres dia dje congreso di distrito i pa traha pionero auxiliar un of mas luna. Podisé lo tin chens tambe pa bishitá un parke bunita of participá den recreo sano. Nan tur ta eens pa no neglishá nan rutina di actividad teocrático.

Cantica 83 i oracion di conclusion.

Siman di 29 di Mei

Cantica 135

12 min: Anuncionan local. Corda tur publicadó pa entregá raport di sirbishi di mei. Tene un demostracion breve dje oferta di literatura di juni. Mustra con pa ofrecé un studio di Bijbel usando les 13 dje foyeto Rekerí.

15 min: “Haña Goso den Bo Sirbishi Sagrado.” Discurso. Considerá motibunan pakico nos por tin goso den nos ministerio.—Mira Perspicacia na spañó, Volúmen 1, página 1033 [na ingles, Volúmen 2, página 120].

18 min: Lesamentu di Bijbel Cu Ta Recompensador. Discurso i demostracion basá riba e buki Guia pa Scol na spañó, página 34, §6-7. Como parti dje curículo di Scol di Ministerio Teocrático tin un programa regular di lesamentu di Bijbel, riba cua puntonan sobresaliente di Bijbel ta basá. (Nos Ministerio di Reino, december 1999, página 7) Laga un famia demostrá con como famia, bo por a considerá un parti dje lesamentu di scol pa e siman aki. Nan ta selectá un of dos punto interesante i ta haci algun investigacion adicional den e Index di Publicacionnan Watch Tower of den Perspicacia pa Comprendé e Scritura. Mustra con lesamentu di Bijbel por bira mas significativo, i asina ekipá nos mihó pa ‘manehá e palabra dje berdad corectamente.’—2 Tim. 2:15.

Cantica 95 i oracion di conclusion.

Siman di 5 di Juni

Cantica 37

5 min: Anuncionan local.

10 min: Necesidadnan local.

15 min: “Un Privilegio Disponibel pa Esnan Mas Hóben.” Discurso i consideracion cu auditorio. Relatá e experencianan cu tin den E Toren di Vigilancia di 1 di december 1996, página 13, §15. Invitá esnan hóben pa nan conta con nan a gosa di laga revista. Laga un of dos hóben demostrá un presentacion simpel di revista, trahando di cas pa cas. Animá mayornan pa bai tur siman cu nan yunan den e trabou di revista.

15 min: “ ‘Probá en Cuanto Aptitud’—Con?” Discurso na encargo di un anciano. Repasá e areglo bíblico pa sirbidó ministerial den e congregacion. (Mira Perspicacia na spañó, Volúmen 2, página 397 [na ingles, página 409].) Mustra kico ta e cualificacionnan cu nan tin cu cumpli cuné pa por ser nombrá. (Mira e buki Nos Ministerio, página 55-7.) Señalá maneranan cu sirbidónan ministerial por sirbi, i animá mas ruman homber pa haci esfuerso pa alcansá e privilegio aki.

Cantica 82 i oracion di conclusion.