Programa di Reunion di Sirbishi
Siman di 11 di September
Cantica 139
10 min: Anuncionan local. Anuncionan selectá for di Nos Ministerio di Reino.
15 min: “Jehova Su Bendicion Ta Haci Nos Ricu.” Limitá comentario di introduccion na ménos cu un minuut, i sigui cu un consideracion mediante pregunta i contesta.—Wak Perspicacia, Volúmen 2, página 856 §11-12 [na ingles, Volúmen 2, página 804, §6-7].
20 min: “Usa Sucesonan Actual pa Lanta Interes.” Consideracion cu auditorio i demostracion. Mencioná vários suceso actual cu a lanta interes local. Ki preocupacion pa cu futuro e sucesonan aki a generá? Usando e foyeto Con pa Cuminsá i Continuá Consideracionnan Bíblico, página 2 [buki Razonamentu na spañó, página 9-10], ofrecé algun sugerencia en cuanto con pa prepará un introduccion cu lo hiba na un combersacion bíblico. Tene dos demostracion práctico i bon prepará.
Cantica 224 i oracion di conclusion.
Siman di 18 di September
Cantica 2
10 min: Anuncionan local. Informe di cuenta.
15 min: Con A Bai cu Nos Aña Pasá? Discurso na encargo dje superintendente di sirbishi. Repasá puntonan sobresaliente dje raport di congregacion di aña di sirbishi 2000. Encomendá e congregacion pa e bon cosnan cu a logra. Indicá kico mester mehorá. Enfocá riba con a bai cu e congregacion pa loke ta asistencia na reunion, cuminsá i conducí studionan bíblico i ser regular den sirbishi di veld. Describí metanan práctico pa e aña binidero.
20 min: “Tin Bida den Wega!” Consideracion cu auditorio. Resaltá e textonan mencioná den e artículo.
Cantica 30 i oracion di conclusion.
Siman di 25 di September
Cantica 93
15 min: Anuncionan local. Corda tur publicadó pa entregá nan raport di sirbishi di veld pa september. Repasá Caha di Pregunta.
15 min: Necesidadnan local.
15 min: Nos Revistanan No Ta Perde Nan Balor. Kico bo ta haci ora edicionnan bieu di E Toren di Vigilancia i Spierta! acumulá? Algun publicadó ta incliná na tira nan afó, pensando cu e temanan no ta actual mas. Pero na lugá di esei Nos Ministerio di Reino di september 1993 na página 11 a urgi nos pa cana cu algun edicion bieu i ofrecé nan ora ta apropiado. Bo por scoge di antemano artículonan oportuno cu kisas lo atraé hende homber, hende muher, personanan profesional, hende di edad i tienernan; anto tene e revistanan cla pa presentá ora un oportunidad surgi. Demostrá con por scoge e artículonan i presentá nan. Relatá bon experencia cu publicadónan tabatin cu lagamentu di revista mas bieu.
Cantica 115 i oracion di conclusion.
Siman di 2 di October
Cantica 169
15 min: Anuncionan local. Informá e congregacion tocante e distribucion special cu tin planeá pa Noticia di Reino Num. 36, cu lo cuminsá dialuna 16 di october i lo sigui te cu diabierne 17 di november. Urgi tur publicadó, incluso hóbennan i esnan mas nobo, pa haci esfuerso pa nan por tin un pleno participacion. For di awor conductornan di studio di buki mester cuminsá animá i organisá tur publicadó den nan grupo pa participá cu mas celo posibel. Incluí experencianan edificante for dje último distribucion di Noticia di Reino.
15 min: “Mi Mester Muda?” Discurso na encargo di un anciano. Splica di con mester ehercé dicernimentu ora di tuma e decision pa muda bai otro caminda. Considerá con pa aplicá e conseho di Proverbionan 22:3. Incluí comentarionan tocante cos pa tene cuidou cuné cu ta ser hañá den E Toren di Vigilancia [na spañó] di 15 di augustus 1988, página 22.
15 min: Experencianan Tocante Cuminsá Combersacion. Den e programa di Reunion di Sirbishi dje siman di 11 di september, a recomendá nos pa traha introduccionnan basá riba sucesonan actual pa asina lanta interes i cuminsá combersacion den e ministerio. Invitá auditorio pa relatá e bon resultadonan cu nan tabatin te cu awor dor di aplicá e sugerencianan aki.
Cantica 205 i oracion di conclusion.